Грядет на óблацех с силою и славою многою

 

Проповедь епископа Григория Лурье на праздник Входа Господня в Иерусалим,

вербное воскресенье, 15/28 апреля 2024 года

Вход Госпо́день в Иерусали́м. Неде́ля ва́ий. (Ве́рбное воскресе́нье)

Канон.

Молитвами Святых Отец наших, Господи Иисусе Христе Боже наш, помилуй нас. Аминь.

Господи помилуй. (12 раз).

Слава Отцу и Сыну и Святому Духу. И ныне и присно и во веки веков. Аминь.

Тропа́рь пра́здника, гл.1:

О́бщее воскресе́ние/ пре́жде Твоея́ Стра́сти уверя́я,/ из ме́ртвых воздви́гл еси́ Ла́заря, Христе́ Бо́же./ Те́мже и мы, я́ко о́троцы побе́ды зна́мения нося́ще,/ Тебе́ победи́телю сме́рти вопие́м:/ оса́нна в вы́шних,// благослове́н Гряды́й во и́мя Госпо́дне. (Два́жды)

Друго́й тропа́рь Пра́здника, гл.4:

Спогре́бшеся Тебе́ креще́нием, Христе́ Бо́же наш, / безсме́ртныя жи́зни сподо́бихомся Воскресе́нием Твои́м,/ и воспева́юще зове́м:/ оса́нна в вы́шних,// благослове́н Гряды́й во и́мя Госпо́дне.

Песнь 1:

Кано́н пра́здника, глас 4:

Ирмос: Яви́шася исто́чницы бе́здны,/ вла́ги неприча́стны,/ и откры́шася мо́ря волну́ющася основа́ния бу́рею,/ ма́нием бо запрети́л еси́ ему́,/ изря́дныя же лю́ди спасл еси́,// пою́щия побе́дную песнь Тебе́, Го́споди. (Дважды)

Сла́ва Тебе́, Бо́же наш, сла́ва Тебе́. Из уст младе́нец незло́бивых и ссу́щих,/ хвалу́ Твои́х раб соверши́л еси́,/ разруши́ти супоста́та,/ и отмсти́ти стра́стию Креста́, паде́ние дре́вняго Ада́ма,/ дре́вом же воскреси́ти сего́,/ пою́ща побе́дную песнь Тебе́, Го́споди. (6 раз)

Сла́ва Тебе́, Бо́же наш, сла́ва Тебе́. Хвале́ние Це́рковь преподо́бных,/ живу́щему в Сио́не, Тебе́ Христе́ прино́сит:/ о Тебе́ же Изра́иль, Творце́ свое́м ра́дуется,/ и го́ры язы́цы противообра́знии каменосерде́чнии, от лица́ Твоего́ возвесели́шася,// пою́ще побе́дную песнь Тебе́ Го́споди. (4 раза )

Сла́ва: Хвале́ние Це́рковь преподо́бных,/ живу́щему в Сио́не, Тебе́ Христе́ прино́сит:/ о Тебе́ же Изра́иль, Творце́ свое́м ра́дуется,/ и го́ры язы́цы противообра́знии каменосерде́чнии, от лица́ Твоего́ возвесели́шася,// пою́ще побе́дную песнь Тебе́ Го́споди.

И ны́не: Хвале́ние Це́рковь преподо́бных,/ живу́щему в Сио́не, Тебе́ Христе́ прино́сит:/ о Тебе́ же Изра́иль, Творце́ свое́м ра́дуется,/ и го́ры язы́цы противообра́знии каменосерде́чнии, от лица́ Твоего́ возвесели́шася,//пою́ще побе́дную песнь Тебе́ Го́споди.

Катавасия пра́здника, глас 4:

Яви́шася исто́чницы бе́здны,/вла́ги неприча́стны,/и откры́шася мо́ря волну́ю-щася основа́ния бу́рею, / ма́нием бо запрети́л еси́ ему́, / изря́дныя же лю́ди спасл еси́,//пою́щия побе́дную песнь Тебе́, Го́споди.

Песнь 3:

Кано́н пра́здника, глас 4:

Ирмо́с: Точа́щий, краесеко́мый повеле́нием Твои́м,/ тве́рдый сса́ша Ка́мень изра́ильтестии лю́дие./ Ка́мень же Ты еси́ Христе́, и Жизнь,/ на Не́мже утверди́ся Це́рковь, зову́щая:// оса́нна, благослове́н еси́, Гряды́й. (Дважды)

Сла́ва Тебе́, Бо́же наш, сла́ва Тебе́. Мертвеца́ четверодне́вна повеле́нием Твои́м,/ из ме́ртвых с тре́петом ад испусти́ Ла́заря./ Воскресе́ние бо Ты Христе́ и жизнь,/ в Не́мже утверди́ся Це́рковь зову́щи:// оса́нна, благослове́н еси́ Гряды́й. (6 раз)

Сла́ва Тебе́, Бо́же наш, сла́ва Тебе́. Воспойте лю́дие боголе́пно в Сио́не,/и моли́тву воздади́те Христу́ во Иерусали́ме,/Сам гряде́т во сла́ве со о́бластию: /в Не́мже утверди́ся Це́рковь зову́щи://оса́нна благослове́н еси́ Гряды́й. (4 раза)

Сла́ва: Воспойте лю́дие боголе́пно в Сио́не,/и моли́тву воздади́те Христу́ во Иерусали́ме,/Сам гряде́т во сла́ве со о́бластию:/в Не́мже утверди́ся Це́рковь зову́щи:// оса́нна благослове́н еси́ Гряды́й.

И ны́не: Воспойте лю́дие боголе́пно в Сио́не,/ и моли́тву воздади́те Христу́ во Иерусали́ме,/ Сам гряде́т во сла́ве со о́бластию:/ в Не́мже утверди́ся Це́рковь зову́щи:// оса́нна благослове́н еси́ Гряды́й.

Катава́сия пра́здника, глас 4:

Точа́щий, краесеко́мый повеле́нием Твои́м,/ тве́рдый сса́ша Ка́мень изра́иль-тестии лю́дие./ Ка́мень же Ты еси́ Христе́, и Жизнь,/ на Не́мже утверди́ся Це́р-ковь, зову́щая:// оса́нна, благослове́н еси́, Гряды́й.

Ипакои́ Праздника, гл.6: С ве́твьми воспе́вше пре́жде,/ с древесы́ последи́ я́ша Христа́ Бо́га, неблагода́рнии иуде́е./Мы же ве́рою непрело́жною при́сно почита́юще / я́ко благоде́теля, вы́ну вопие́м Ему́:// благослове́н еси́, гряды́й Адама воззвати.

Песнь 4:

Кано́н пра́здника, гл.4:

Ирмо́с: Христо́с гряды́й – я́вственно Бог наш,/ прии́дет и не закосни́т,/ от горы́ приосене́нныя ча́щи,/ Отрокови́цы ражда́ющия Неискусому́жныя,/ проро́к дре́вле глаго́лет./Тем вси вопие́м:// сла́ва си́ле Твое́й, Го́споди. (Дважды)

Сла́ва Тебе́, Бо́же наш, сла́ва Тебе́.  Да то́чат весе́лие кре́пкое масти́тельное, го́ры, и вси хо́лми,/ и древа́ дубра́вная да взыгра́ют:/ Христа́ хвали́те язы́цы,/и Тому́ вси лю́дие ра́дующеся возопи́йте://сла́ва си́ле Твое́й Го́споди. (4 раза)

Сла́ва Тебе́, Бо́же наш, сла́ва Тебе́. Кре́постию ца́рствуяй ве́ки Госпо́дь, облече́н прии́дет,/ Сего́ красоты́ же и сла́вы, несравне́нно есть благоле́пие в Сио́не./ Те́мже вси вопие́м:// сла́ва си́ле Твое́й Го́споди. (4 раза)

Сла́ва Тебе́, Бо́же наш, сла́ва Тебе́.  Пя́дию изме́ривый небо, дла́нию же зе́млю,/ Госпо́дь прии́де, Сио́н бо избра́,/ в не́мже жи́ти и ца́рствовати изво́ли,/ и возлюби́ лю́ди ве́рно вопию́щия: // сла́ва си́ле Твое́й Го́споди. (Дважды)

Сла́ва: Пя́дию изме́ривый небо, дла́нию же зе́млю,/ Госпо́дь прии́де, Сио́н бо избра́,/ в не́мже жи́ти и ца́рствовати изво́ли,/ и возлюби́ лю́ди ве́рно вопию́-щия:// сла́ва си́ле Твое́й Го́споди.

И ны́не: Пя́дию изме́ривый небо, дла́нию же зе́млю,/ Госпо́дь прии́де, Сио́н бо избра́,/ в не́мже жи́ти и ца́рствовати изво́ли,/ и возлюби́ лю́ди ве́рно вопию́щия:// сла́ва си́ле Твое́й Го́споди.

Катава́сия пра́здника, гл.4:

Христо́с гряды́й – я́вственно Бог наш,/ прии́дет и не закосни́т,/ от горы́ приосене́нныя ча́щи,/Отрокови́цы ражда́ющия Неискусому́жныя,/ проро́к дре́в-ле глаго́лет./ Тем вси вопие́м:// сла́ва си́ле Твое́й, Го́споди.

Песнь 5:

Кано́н пра́здника, глас 4:

Ирмо́с: На го́ру Сио́н взы́ди, благовеству́яй,/ и Иерусали́му пропове́дуяй, / в кре́пости вознести́ глас:/пресла́вная глаго́лашася о Тебе́, Гра́де Бо́жий.// Мир на Изра́иля, и спасе́ние язы́ком. (Дважды)

Сла́ва Тебе́, Бо́же наш, сла́ва Тебе́.  В вы́шних седя́й на херуви́мех Бог,/ и призира́яй на смире́нныя,/ Той гряде́т во сла́ве со о́бластию,/ и испо́лнятся вся́ческая Боже́ственныя хвалы́ Его́. // Мир на Изра́иля, и спасе́ние язы́ком. (6 раз)

Сла́ва Тебе́, Бо́же наш, сла́ва Тебе́. Сио́не Бо́жий, горо́ свята́я, и Иерусали́ме,/о́крест о́чи твои́ возведи́, и виждь /со́бранная ча́да твоя́ в тебе́:/се бо приидо́ша издале́ча, поклони́тися Царю́ твоему́.// Мир на Изра́иля, и спасе́ние язы́ком. (4 раза)

Сла́ва: Сио́не Бо́жий, горо́ свята́я, и Иерусали́ме,/ о́крест о́чи твои́ возведи́, и виждь/ со́бранная ча́да твоя́ в тебе́:/ се бо приидо́ша издале́ча, поклони́тися Царю́ твоему́.// Мир на Изра́иля, и спасе́ние язы́ком.

И ны́не: Сио́не Бо́жий, горо́ свята́я, и Иерусали́ме,/о́крест о́чи твои́ возведи́, и виждь/ со́бранная ча́да твоя́ в тебе́:/се бо приидо́ша издале́ча, поклони́тися Царю́ твоему́.//Мир на Изра́иля, и спасе́ние язы́ком.

Катава́сия пра́здника, гл.4:

На го́ру Сио́н взы́ди, благовеству́яй,/ и Иерусали́му пропове́дуяй,/в кре́пости вознести́ глас:/пресла́вная глаго́лашася о Тебе́, Гра́де Бо́жий.//Мир на Изра́и-ля, и спасе́ние язы́ком.

Песнь 6:

Кано́н пра́здника, глас 4:

Ирмо́с: Возопи́ша с весе́лием пра́ведных ду́си:/ ны́не ми́ру Заве́т Но́вый завеща́ется,/ и кропле́нием да обновя́тся лю́дие,// Бо́жия кро́ве. (Дважды)

Сла́ва Тебе́, Бо́же наш, сла́ва Тебе́. Приими́ Изра́илю Бо́жие ца́рство,/ и пребыва́яй во тьме, свет да у́зрит вели́кий,/ и кропле́нием да обновя́тся лю́дие,// Боже́ственныя кро́ве. (6 раз)

Сла́ва Тебе́, Бо́же наш, сла́ва Тебе́. Разреше́ны своя́ ю́зники Сио́не испусти́,/ и от ро́ва неве́дения безво́дна изведи́,/ и кропле́нием да обновя́тся лю́дие,// Боже́ственныя кро́ве. (4 раза)

Сла́ва: Разреше́ны своя́ ю́зники Сио́не испусти́,/ и от ро́ва неве́дения безво́дна изведи́,/ и кропле́нием да обновя́тся лю́дие,// Боже́ственныя кро́ве.

И ны́не: Разреше́ны своя́ ю́зники Сио́не испусти́,/ и от ро́ва неве́дения безво́дна изведи́,/ и кропле́нием да обновя́тся лю́дие,// Боже́ственныя кро́ве.

Катава́сия Пра́здника, глас 4:

Возопи́ша с весе́лием пра́ведных ду́си:/ ны́не ми́ру Заве́т Но́вый завеща́ется,/ и кропле́нием да обновя́тся лю́дие,// Бо́жия кро́ве.

Конда́к пра́здника, глас 6: На престо́ле на Небеси́,/ на жребя́ти на земли́ носи́мый, Христе́ Бо́же,/ А́нгелов хвале́ние/ и дете́й воспева́ние прия́л еси́, зову́щих Ти: // благослове́н еси́, Гряды́й Ада́ма воззва́ти.

И́кос: Поне́же а́да связа́л еси́ Безсме́ртне,/ и смерть умертви́л еси́,/ и мир воскреси́л еси́,/ с ва́иами младе́нцы восхваля́ху Тя Христе́, я́ко победи́теля,/ зову́ще Ти днесь: оса́нна Сы́ну Дави́дову./ Не ктому́ бо, рече́, закла́ни бу́дут младе́нцы, за Младе́нца Мари́ина,/ но за вся младе́нцы и ста́рцы, Еди́н распина́ешися./ Не ктому́ на нас вмести́тся меч:/ Твоя́ бо ре́бра прободу́тся копие́м./ Те́мже ра́дую-щеся глаго́лем:// благослове́н гряды́й Ада́ма воззва́ти.

Песнь 7:

Кано́н пра́здника, глас 4:

Ирмо́с: Спасы́й во огни́ Авраа́мския Твоя́ о́троки,/и халде́и уби́в,/ я́же Пра́вда пра́ведно уловля́ше,/препе́тый Го́споди,//Бо́же оте́ц на́ших, благослове́н еси́. (Дважды)

Сла́ва Тебе́, Бо́же наш, сла́ва Тебе́.  Покланя́ющеся лю́дие,/и со ученики́ ра́дующеся, с ва́ием,/ оса́нна Сы́ну Дави́дову зовя́ху://препе́тый Го́споди Бо́же оте́ц, благослове́н еси́. (4 раза)

Сла́ва Тебе́, Бо́же наш, сла́ва Тебе́. Неискусозло́бное мно́жество, еще́ младе́нствующее естество́,/ Боголе́пно Тя Царю́ Изра́ильтеский и А́нгельский воспе́т:// препе́тый Го́споди Бо́же оте́ц, благослове́н еси́.(4 раза)

Сла́ва Тебе́, Бо́же наш, сла́ва Тебе́. С ва́ием Тя Христе́, ве́твьми похваля́ху мно́жества,/ благослове́н прише́дый Царь веко́в.// Вопия́ху же: препе́тый Го́споди Бо́же оте́ц, благослове́н еси́. (Дважды)

Сла́ва: С ва́ием Тя Христе́, ве́твьми похваля́ху мно́жества,/благослове́н прише́дый Царь веко́в.// Вопия́ху же: препе́тый Го́споди Бо́же оте́ц, благослове́н еси́.

И ны́не: С ва́ием Тя Христе́, ве́твьми похваля́ху мно́жества,/ благослове́н прише́дый Царь веко́в.// Вопия́ху же: препе́тый Го́споди Бо́же оте́ц, благослове́н еси́.

Катава́сия пра́здника, гл.4:

Спасы́й во огни́ Авраа́мския Твоя́ о́троки,/ и халде́и уби́в,/ я́же Пра́вда пра́-ведно уловля́ше,/ препе́тый Го́споди,// Бо́же оте́ц на́ших, благослове́н еси́.

Песнь 8:

Кано́н пра́здника, глас 4:

Ирмо́с: Весели́ся, Иерусали́ме, торжеству́йте лю́бящии Сио́на:/ Ца́рствуяй бо во ве́ки Госпо́дь Сил прии́де./ Да благогове́ет вся земля́ от лица́ Его́,/ и да вопие́т:// благослови́те вся дела́ Госпо́дня, Го́спода. (Дважды)

Сла́ва Тебе́, Бо́же наш, сла́ва Тебе́. На жребя́ мла́до всед Царь твой Сио́не, / предста́ Христо́с: безслове́сную бо и́дольскую пре́лесть разруши́ти,/ и неудержа́нное стремле́ние уста́вити всех язы́к прии́де, во е́же пе́ти:// вся дела́ по́йте Го́спода. (4 раза)

Сла́ва Тебе́, Бо́же наш, сла́ва Тебе́.  Бог твой, ра́дуйся Сио́не зело́,/ воцари́ся во ве́ки Христо́с./Сей, я́коже пи́сано есть, кро́ткий и спаса́яй,/ пра́ведный Изба́витель наш, прии́де на жребя́ти,/ ко́нское свире́пство уби́ти враго́в, не вопию́щих:// благослови́те вся дела́ Госпо́дня Го́спода.(4 раза)

Сла́ва Тебе́, Бо́же наш, сла́ва Тебе́. Оскудева́ет Боже́ственных огражде́ний,/ законопресту́пное со́нмище непокори́вых,/ поне́же дом моли́твы Бо́жия, верте́п сотвори́ша разбо́йническ,/от се́рдца Изба́вителя отри́нувше, Ему́же вопие́м:// благослови́те вся дела́ Госпо́дня Го́спода. (Дважды)

Благослови́м Отца́, и Сы́на, и Свята́го Ду́ха, Го́спода. Оскудева́ет Боже́ствен-ных огражде́ний,/законопресту́пное со́нмище непокори́вых,/поне́же дом моли́твы Бо́жия, верте́п сотвори́ша разбо́йническ,/ от се́рдца Изба́вителя отри́-нувше, Ему́же вопие́м://благослови́те вся дела́ Госпо́дня Го́спода.

И ны́не: Оскудева́ет Боже́ственных огражде́ний,/ законопресту́пное со́нмище непокори́вых,/ поне́же дом моли́твы Бо́жия, верте́п сотвори́ша разбо́йническ,/ от се́рдца Изба́вителя отри́нувше, Ему́же вопие́м:// благослови́те вся дела́ Госпо́дня Го́спода.

Катава́сия пра́здника, гл.4:

Хва́лим, благослови́м, покланя́емся Го́сподеви, пою́ще и превознося́ще во вся ве́ки.

Весели́ся, Иерусали́ме, торжеству́йте лю́бящии Сио́на:/ Ца́рствуяй бо во ве́ки Госпо́дь Сил прии́де./ Да благогове́ет вся земля́ от лица́ Его́,/ и да вопие́т:// благослови́те вся дела́ Госпо́дня, Го́спода.

 На 9-й песни «Честнейшую» не поем, но сразу пое́м  ирмо́с девятой песни.

Песнь 9:

Кано́н пра́здника, глас 4:

Ирмо́с: Бог Госпо́дь, и яви́ся нам./ Соста́вите пра́здник,/ и веселя́щеся прииди́те, возвели́чим Христа́,/ с ва́иями и ве́твьми, пе́сньми зову́ще:// благослове́н Гряды́й во и́мя Го́спода Спа́са на́шего. (Дважды)

Сла́ва Тебе́, Бо́же наш, сла́ва Тебе́. Язы́цы вску́ю шата́етеся?/ Пи́сменницы, и свяще́нницы, почто́ тще́тным поучи́стеся?/ Кто Сей, ре́кше,/ Ему́же де́ти с ва́ием и ве́твьми, пе́сньми зову́т:// благослове́н гряды́й во И́мя Го́спода Спа́са на́шего. (4 раза)

Сла́ва Тебе́, Бо́же наш, сла́ва Тебе́. Сей Бог наш, Ему́же никто́же подо́бен,/ пра́ведный всяк путь изобре́т, даде́ возлю́бленному Изра́илю./По сих же с челове́ки поживе́ я́влься:// благослове́н гряды́й во И́мя Го́спода Спа́са на́шего. (4 раза)

Сла́ва Тебе́, Бо́же наш, сла́ва Тебе́.  Собла́зны стези́, что близ вас положи́сте непокори́вии?/ Но́ги ва́ша ско́ры кровь излия́ти Влады́чню,/ но воскре́снет вся́ко спасти́ зову́щия:// благослове́н гряды́й во И́мя Го́спода Спа́са на́шего. (Дважды)

Сла́ва: Собла́зны стези́, что близ вас положи́сте непокори́вии?/ Но́ги ва́ша ско́ры кровь излия́ти Влады́чню,/ но воскре́снет вся́ко спасти́ зову́щия:// благослове́н гряды́й во И́мя Го́спода Спа́са на́шего.

И ны́не: Собла́зны стези́, что близ вас положи́сте непокори́вии?/ Но́ги ва́ша ско́ры кровь излия́ти Влады́чню,/но воскре́снет вся́ко спасти́ зову́щия:// благослове́н гряды́й во И́мя Го́спода Спа́са на́шего.

Катава́сия Пра́здника, глас 4:

Бог Госпо́дь, и яви́ся нам./Соста́вите пра́здник,/и веселя́щеся прииди́те, возвели́чим Христа́,/с ва́иями и ве́твьми, пе́сньми зову́ще:// благослове́н Гряды́й во и́мя Го́спода Спа́са на́шего.

 Хвалитны псалмы, глас 4: 

Вся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

Хвали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

Стихиры праздника, глас 4: 

Сотвори́ти в них суд напи́сан/ сла́ва сия́ бу́дет всем пре-подо́бным Его́. Мно́жество наро́да Го́споди, /постила́ху по пути́ ри́зы своя́:/ друзи́и же ре́заху ве́тви от древе́с, и ноша́ху./ Предыду́щии же и после́-дующии, зовя́ху глаго́люще:/ оса́нна Сы́ну Дави́дову,/ благослове́н еси́ при-ше́дый,//и па́ки гряды́й во и́мя Госпо́дне.

Хвали́те Бо́га во святы́х Его́,/ хвали́те Его́ во утверже́нии си́лы Его́. Мно́-жество наро́да Го́споди,/постила́ху по пути́ ри́зы своя́:/друзи́и же ре́заху ве́тви от древе́с, и ноша́ху./Предыду́щии же и после́дующии, зовя́ху глаго́люще:/ оса́нна Сы́ну Дави́дову,/ благослове́н еси́ прише́дый,// и па́ки гряды́й во и́мя Госпо́дне.

Хвали́те Его́ на си́лах Его́,/ хвали́те Его́ по мно́жеству вели́чествия Его́. Хотя́щу Тебе́ вни́ти во святы́й град Го́споди,/ ве́тви садо́в лю́дие ноша́ху,/ Тебе́ пою́ще всех Влады́ку:/ и зря́ще Тя на жребя́ти седя́ща,/ я́коже на херуви́мех зря́ху./ Сего́ ра́ди си́це вопия́ху:/ оса́нна в вы́шних,/ благослове́н еси́ прише́дый,// и па́ки гряды́й во и́мя Госпо́дне.

Хвали́те Его́ во гла́се тру́бнем,/ хвали́те Его́ во псалти́ри и гу́слех. Хотя́щу Тебе́ вни́ти во святы́й град Го́споди,/ве́тви садо́в лю́дие ноша́ху,/ Тебе́ пою́ще всех Влады́ку:/и зря́ще Тя на жребя́ти седя́ща,/ я́коже на херуви́мех зря́ху./ Сего́ ра́ди си́це вопия́ху:/оса́нна в вы́шних,/благослове́н еси́ прише́дый, //и па́ки гряды́й во и́мя Госпо́дне.

Хвали́те Его́ в тимпа́не и ли́це,/ хвали́те Его́ во стру́нах и орга́не. Изыди́те язы́цы, изыди́те и лю́дие, /и ви́дите днесь Царя́ Небе́снаго,/ я́ко на престо́ле высо́це,/на жребя́ти ху́де во Иерусали́м входя́ща./Ро́де иуде́йский неве́рный и прелюбоде́йный, прииди́ и виждь,/Его́же ви́де Иса́иа во пло́ти нас ра́ди приити́ иму́ща,/ ка́ко уневеща́ет Себе́, я́ко целому́дрен-ный но́вый Сио́н,/и отлага́ет осужде́нную со́нмицу:/я́ко в нетле́нном же бра́це и нескве́рном,/нескве́рнии стеко́шася благохва́ляще, неискусо-зло́бнии де́ти./С ни́миже и мы пою́ще возопие́м песнь а́нгельскую:/ оса́нна в вы́шних,// Иму́щему ве́лию ми́лость.

Хвали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода. О́бщее воскресе́ние,/ пре́жде во́льныя стра́сти Твоея́,/ во увере́ние всех предпоказа́вый Христе́ Бо́же,/ Ла́заря у́бо в Вифа́нии, держа́вною си́лою Твое́ю,/ четверодне́вна ме́ртва воскреси́л еси́:/ слепце́м же е́же ви́дети я́ко Светода́вец дарова́л еси́ Спа́се,/ и во святы́й град со ученики́ Твои́ми вшел еси́,/ седя́ на жребя́ти о́сли,/ проро́ческая исполня́яй пропове́дания,/ я́коже на херуви́мех носи́мый,/ и де́ти евре́йстии с ве́твьми и ва́иами предсрета́ху Тя./ Те́мже и мы ве́тви ма́сличныя нося́ще и ва́иа,/благода́рственно Тебе́ вопие́м:/ оса́нна в вы́шних, // благослове́н гряды́й во И́мя Госпо́дне.

Глас 6: 

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь. Пре́жде шести́ дней Па́схи, прии́де Иису́с в Вифа́нию,/и приступи́ша к Нему́ ученицы́ Его́, глаго́люще Ему́:/ Го́споди, где хо́щеши угото́ваем Ти я́сти Па́сху?/Он же посла́ их,/иди́те в пре́днюю весь,/и обря́щете челове́ка скуде́ль воды́ нося́ща,/сле́дуйте ему́, и до́му влады́це рцы́те:/ Учи́тель глаго́лет,// у тебе́ сотворю́ Па́сху со ученики́ Мои́ми.