Страстная седмица

 1.Великий Понедельник

Мiр без мира

- проповедь епископа Григория Лурье после литургии Преждеосвященных Даров в Великий понедельник, 26/29 апреля 2024 года

2. Великий Вторник

Притчами о суде - 

проповедь епископа Григория Лурье после литургии Преждеосвященных Даров в Великий вторник, 17/30 апреля 2024 г.

3. Великая Среда

Прелюбодеяние и убийство - 

проповедь епископа Григория Лурье после литургии Преждеосвященных Даров
в Великую среду, 18 апреля / 1 мая 2024 года

Центральной темой Великого четверга в тропаре праздника, исполняемого вечером в среду, стало предательство Иуды Искариота:

Егда славнии ученицы на умовении Вечери просвещахуся, тогда Иуда злочестивый, сребролюбием недуговав, омрачашеся и беззаконным судиям Тебе, праведнаго Судию, предает. Виждь имений рачителю, сих ради удавление употребивша! Бежи несытыя души, Учителю таковая дерзнувшия: Иже о всех благий, Господи, слава Тебе.

Владыко Григорий поясняет контекст:

Где обычно ошибаются переводчики на русский:

1. В грамматике: "о всех благий" - это не благий ко всем людям, а благий во всём.

Ὁ περὶ πάντας ἀγαθός ("о всех" - это "во всём", именительный падеж "вся", местоимение множественного числа среднего рода, которое употребляется аналогично русскому тоже среднего рода, но единственного числа).

1а) Кажется, есть те, кто не знает, что значит "рачитель": это означает любителя чего-либо в крайней степени любительности.

2.  В смысле: "просвещахуся" ἐφωτίζοντο - переводчики усматривают здесь метафору в духе русской литературы 19 века, а это не метафора, а термин, означающий принятие крещения.

В бэкграунде у этого тропаря - общепринятое ранневизантийское мнение о том, что омовение ног было крещением апостолов.

см. подробно в великой статье великого Канторовича https://archive.org/details/DOP09-10_08_Kantorowicz .

Исторически смысл ритуала остается дискуссионным. Я привел некоторые документы в пользу гипотезы Анни Жобер о том, что это было частью их посвящения во священники, т.е. созданием новой иерархии.

Тропарь "Егда славнии ученицы..." регент иеродиакон Герман (Рябцев)

4. Великий Четверток

Тело Христово

-проповедь епископа Григория Лурье после литургии в Великий четверг,
19 апреля / 2 мая 2024 г

Во Святы́й и Вели́кій Четверто́к.

Вечерня с чином причащения

Молитвами Святых Отец наших, Господи Иисусе Христе Боже наш, помилуй нас. Аминь.  

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 103:

Благослови́, душе́ моя́, Го́спода; Го́споди, Бо́же мой, возвели́чился еси́ зело́, во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи, и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды. От запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры, и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́й-же про́йдут вси зве́рие дубра́внии; ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце, и собра́шася, и в ло́жах свои́х ля́гут. Изы́-дет челове́к на де́ло свое́, и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́: испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́хже несть числа́, живо́т-ная ма́лая с вели́кими. Та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им, соберу́т; отве́рзшу Тебе́ ру́ку, вся́ческая испо́лнятся бла́гости. Отвра́щшу же Тебе́ лице́, возмяту́тся: отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х. Призира́яй на зе́млю, и творя́й ю́ трясти́ся; прикаса́яйся гора́м, и дымя́тся. Воспою́ Го́споде-ви в животе́ мое́м, пою́ Бо́гу моему́, до́ндеже есмь. Да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им; благослови́, душе́ моя́, Го́спода.

Со́лнце позна́ за́пад свой; положи́л еси́ тму, и бысть нощь.

Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

Го́споди, воззва́х, глас 2:

Го́споди, воззва́х к Тебе́, услы́ши мя./ Услы́ши мя, Го́споди./ Го́споди, воззва́х к Тебе́, услы́ши мя:/ вонми́ гла́су моле́ния моего́,/ внегда́ воззва́ти ми к Тебе́.// Услы́ши мя, Го́споди.

Да испра́вится моли́тва моя́,/ я́ко кади́ло пред Тобо́ю,/ воздея́ние руку́ мое́ю/ – же́ртва вече́рняя.// Услы́ши мя, Го́споди.

Положи́, Го́споди, хране́ние усто́м мои́м и две́рь огражде́ния о устна́х мои́х.

Не уклони́ се́рдце мое́ в словеса́ лука́вствия, непщева́ти вины́ о гресе́х

С челове́ки де́лающими беззако́ние; и не сочту́ся со избра́нными их.

Нака́жет мя пра́ведник ми́лостию и обличи́т мя, eле́й же гре́шнаго да не нама́стит главы́ моея́;

Яко eще́ и моли́тва моя во благоволе́ниих их, пожéрты бы́ша при ка́мени судии́ их;

Услы́шатся глаго́лы мои, я́ко возмого́ша, я́ко то́лща земли́ просе́деся на земли́, расточи́шася ко́сти их при а́де.

Яко к тебе́, Го́споди, Го́споди, óчи мои́; на тя упова́х, не отими́ ду́шу мою́;

Сохрани́ мя от се́ти, ю́же соста́виша ми, и от собла́зн де́лающих беззако́ние.

Паду́т во мре́жу свою́ гре́шницы; eди́н éсмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помолихся.

Пролию́ пре́д ним моле́ние мое́, печа́ль мою́ пре́д ни́м возвещу́.

Внегда́ изчеза́ти от менé ду́ху моему́, и ты позна́л eси́ стeзи́ моя;

На пути́ сем, по нему́же хожда́х, скры́ша се́ть мне́.

Смотря́х одесну́ю и возгля́дах, и не бе зна́яй мене́; поги́бе бе́гство от менé, и не́сть взыска́яй ду́шу мою.

Поги́бе бе́гство от мене́, и несть взыска́яй ду́шу мою́.

Воззва́х к тебе, Го́споди, рех; ты eси́ упова́ние мое, ча́сть моя eси́ на земли́ живы́х.

Вонми́ моле́нию моему, я́ко смири́хся зело́;

Изба́ви мя от гоня́щих мя, я́ко укрепи́шася па́че менé.

Стихи́ры Трио́ди, глас 2:

Изведи́ из темни́цы ду́шу мою, испове́датися и́мени Твоему́.  Стека́ется про́-чее собо́рище иуде́йское, да Соде́теля и Зижди́теля вся́ческих Пила́ту преда́ст. О беззако́нных, о неве́рных! Яко Гряду́щаго суди́ти живьíм и ме́ртвым, на суд гото́вят, Исцеля́ющаго стра́сти ко страсте́м уготовля́ют. Го́споди Долготерпели́ве, ве́лия Твоя́ ми́лость, сла́ва Тебе́.

Мене́ жду́т пpа́ведницы, до́ндеже возда́си мне́. Стека́ется про́чее собо́рище иуде́йское, да Соде́теля и Зижди́теля вся́ческих Пила́ту преда́ст. О беззако́н-ных, о неве́рных! Яко Гряду́щаго суди́ти живьíм и ме́ртвым, на суд гото́вят, Исцеля́ющаго стра́сти ко страсте́м уготовля́ют. Го́споди Долготерпели́ве, ве́-лия Твоя́ ми́лость, сла́ва Тебе́.

Из глубины́ воззва́х к Тебе, Го́споди, Го́споди, услы́ши гла́с мо́й.  Иу́да беззако́нный, омочи́вый на ве́чери ру́ку в соли́ле с Тобо́ю, простре́ к беззако́н-ным ру́це прия́ти сре́бреники,  и ми́ра умьíсливый це́ну, Тебе́ безце́ннаго не убоя́ся прода́ти. Но́зе прострьíй во е́же умьíти, Владьíку облобыза́ льсти́вно, во е́же преда́ти беззако́нным. Ли́ка же апо́стольскаго отве́ргся, и три́десять пове́рг сре́бреники, Твоего́ тридне́внаrо воскре́сения не ве́де, и́мже поми́луй нас.

Да бу́дут у́ши Твои вне́млюще гла́су моле́ния моего́. Иу́да беззако́нный, омочи́вый на ве́чери ру́ку в соли́ле с Тобо́ю, простре́ к беззако́нным ру́це прия́ти сре́бреники,  и ми́ра умьíсливый це́ну, Тебе́ безце́ннаго не убоя́ся прода́ти. Но́зе прострьíй во е́же умьíти, Владьíку облобыза́ льсти́вно, во е́же преда́ти беззако́нным. Ли́ка же апо́стольскаго отве́ргся, и три́десять пове́рг сре́бреники, Твоего́ тридне́внаrо воскре́сения не ве́де, и́мже поми́луй нас.

А́ще беззако́ния на́зриши, Го́споди, Го́споди, кто постои́т?// Я́ко у Тебе́ очи-ще́ние е́сть. Иу́да преда́тель  льсти́в сый, льсти́вным лобза́нием предаде́ Спа́са Го́спода и Владьíку всех я́ко раба́ продаде́ иуде́ом: я́ко овча́ на заколе́-ние, та́ко последо́ваше Аrнец Бо́жий, Сын Отчий, един Многоми́лостивый..

И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́,// упова́ душа́ моя́ на Го́спода. Иу́да преда́тель  льсти́в сый, льсти́вным лобза́-нием предаде́ Спа́са Го́спода и Владьíку всех я́ко раба́ продаде́ иуде́ом: я́ко овча́ на заколе́ние, та́ко последо́ваше Аrнец Бо́жий, Сын Отчий, един Многоми́лостивый..

От стра́жи у́тренния до но́щи, от стра́жи у́тренния,// да уповае́т Изра́иль на Го́спода. Иу́да раб и льсте́ц, учени́к и наве́тник, друг и диа́вол от дел яви́ся. После́доваше бо Учи́телю, и на Него́ поуча́шеся преда́нию, глаго́лаше в себе́: преда́м Того́, и приобря́щу со́бранная име́ния, иска́ше же и ми́ру про́дану бьíти, и Иису́са ле́стию я́ти. Отдаде́ целова́ние, предаде́ Христа́. И я́ко овча́ на заколе́ние, си́це после́доваше Агнец Бо́жий, еди́н Благоутро́бный и Человеколю́бец.

Я́ко у Го́спода ми́лость, и мно́гое у Него́ избавле́ние,// и Той изба́вит Изра́иля от всех беззако́ний eго́. Иу́да раб и льсте́ц, учени́к и наве́тник, друг и диа́вол от дел яви́ся. После́доваше бо Учи́телю, и на Него́ поуча́шеся преда́-нию, глаго́лаше в себе́: преда́м Того́, и приобря́щу со́бранная име́ния, иска́ше же и ми́ру про́дану бьíти, и Иису́са ле́стию я́ти. Отдаде́ целова́ние, предаде́ Христа́. И я́ко овча́ на заколе́ние, си́це после́доваше Агнец Бо́жий, еди́н Благоутро́бный и Человеколю́бец.

Хвали́те Го́спода вси язы́цы,// похвали́те Его́ вси лю́дие. Его́же пропове́да Агнца Иса́иа, гряде́т на заколе́ние во́льное, и плещи́ дае́т на ра́ны, лани́ты на зауше́ния, лица́ же не отврати́ от срамотьí заплева́ний, сме́ртию же безобра́зною осужда́ется. Bся Безгре́шный во́лею прие́млет, да всем да́рует из ме́ртвых воскресе́ние..

Я́ко утверди́ся ми́лость Его́ на нас,// и и́стина Госпо́дня пребыва́ет во век. Его́же пропове́да Агнца Иса́иа, гряде́т на заколе́ние во́льное, и плещи́ дае́т на ра́ны, лани́ты на зауше́ния, лица́ же не отврати́ от срамотьí заплева́ний, сме́ртию же безобра́зною осужда́ется. Bся Безгре́шный во́лею прие́млет, да всем да́-рует из ме́ртвых воскресе́ние..

Сла́ва Отцу́, и Сы́ну, и Свято́му Ду́ху и ны́не, и при́сно, и во ве́ки веко́в Ами́нь.

Глас 6: Рожде́ние ехи́днов вои́стину Иу́да / я́дших ма́нну в пустьíни и ро́пщу-щих на Пита́теля/Еще бо бра́шну су́щу во усте́х их /клевета́ху на Бо́га неблагода́рнии:/ сей злочести́вый, /не́бесный хлеб во усте́х носяй,/на Спа́са преда́-тельство соде́ла/о нра́ва несьíтнаго,/и де́рзости безчелове́чныя!/ Пита́ющаго продае́т, и Его́же любля́ше/ Владьíку, предая́ше на смерть:/вои́стину о́нех сын беззако́нный/и с ни́ми па́губу насле́дова./Но nощади́, Го́споди, ду́ши на́ша/от такова́го безчелове́чества,//еди́не в долготерпе́нии Неизрече́нный..

Све́те Тихи́й:

Све́те Ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́! Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пет бы́ти гла́сы преподо́бными, Сы́не Бо́жий, живо́т дая́й; те́мже мир Тя сла́вит.

Проки́мен Трио́ди , глас 1:

Проки́мен, глас пе́рвый: Изми́ мя, Го́споди, от челове́ка лука́ва,/ от му́жа непра́ведна изба́ви мя.

Изми́ мя, Го́споди, от челове́ка лука́ва,/ от му́жа непра́ведна изба́ви мя.

Иже помы́слиша непра́вду в се́рдце весь день.

Изми́ мя, Го́споди, от челове́ка лука́ва,/ от му́жа непра́ведна изба́ви мя.

Исхо́да чте́ние (Исх. 19, 10-19).

   Рече́ Госпо́дь Моисе́ю: соше́д засвидѣ́телствуй лю́дем и очи́сти я́ дне́сь и у́т-рѣ, и да исперу́т ри́зы, и да бу́дут гото́вы в де́нь тре́тiй: в тре́тiй бо де́нь сни́-дет Госпо́дь на го́ру Сина́йскую пред всѣ́ми людьми́: и устро́иши лю́ди о́крест глаго́ля: внемли́те себѣ́ не восходи́ти на го́ру и ни чи́мже косну́тися ея́: вся́к прикосну́выйся горѣ́ сме́ртiю у́мрет: не ко́снется е́й рука́, ка́менiем бо побiе́т-ся или́ стрѣло́ю устрѣли́тся, а́ще ско́т, а́ще человѣ́к, не бу́дет жи́в: егда́ же гла́си и трубы́ и о́блак отъи́дет от горы́, сі́и взы́дут на го́ру. Сни́де же Моисе́й с горы́ к лю́дем, и освяти́ я́, и испра́ша ри́зы своя́: и рече́ лю́дем: бу́дите гото́ви, три́ дни́ не входи́те к жена́м. Бы́сть же в тре́тiй де́нь бы́вшу ко у́тру, и бы́ша гла́си и мо́лнiя и о́блак мра́чен на горѣ́ Сина́йстѣй, гла́с тру́бный глаша́ше зѣло́: и убоя́шася вси́ лю́дiе, и́же в полцѣ́: изведе́ же Моисе́й лю́ди во срѣ́тенiе Бо́гу из полка́, и ста́ша под горо́ю. Гора́ же Сина́йская дымя́шеся вся́, схожде́нiя ра́ди Бо́жiя на ню́ во огни́, и восхожда́ше ды́м, я́ко ды́м пе́щный: и ужасо́шася вси́ лю́дiе зѣло́. Бы́ша же гла́си тру́бнiи происходя́ще крѣ́пцы зѣло́: Моисе́й глаго́лаше, Бо́г же отвѣщава́ше ему́ гла́сом.

 Проки́мен, глас седмьíй: Изми́ мя от враг моих, Бо́же, и от востаю́щих на мя изба́ви мя.

Изми́ мя от враг моих, Бо́же, и от востаю́щих на мя изба́ви мя.

Изба́ви мя от де́лающих беззако́ние.

Изми́ мя от враг моих, Бо́же, и от востаю́щих на мя изба́ви мя.

И́ова чтение (Иов. 38, 1-23; 42, 1-5).

   Рече́ Госпо́дь Иову сквозѣ́ бу́рю и о́блаки: кто́ се́й скрыва́яй от мене́ совѣ́т, содержа́й же глаго́лы в се́рдцы, мене́ же ли мни́тся утаи́ти? Загради́х же мо́-ре враты́, егда́ излива́шеся из чре́ва ма́тере своея́ исходя́щее :положи́х же ему́ о́блак во одѣя́нiе, мгло́ю же пови́х е́: и положи́х ему́ предѣ́лы, обложи́в затво́ры и врата́: рѣ́х же ему́: до сего́ до́йдеши и не пре́йдеши, но в тебѣ́ сокруша́тся во́лны твоя́. Или́ при тебѣ́ соста́вих свѣ́т у́треннiй, денни́ца же вѣ́сть чи́н сво́й, я́тися кри́л земли́, оттрясти́ нечести́выя от нея́? Или́ ты́, бре́нiе взе́м, от земли́ созда́л еси́ живо́тно, и глаго́ливаго сего́ посади́л еси́ на земли́? Отъ-я́л же ли еси́ от нечести́вых свѣ́т, мы́шцу же го́рдых сокруши́лъ ли еси́? Прише́л же ли еси́ на исто́чники мо́ря, во слѣда́х же бе́здны ходи́л ли еси́? Отверза́ются же ли тебѣ́ стра́хом врата́ сме́ртная, вра́тницы же а́довы ви́дѣвше тя́ убоя́шася ли? Навы́кл же ли еси́ широты́ поднебе́сныя? Повѣ́ждь у́бо ми́, коли́ка е́сть? В ко́ей же земли́ вселя́ется свѣ́т, тмѣ́ же ко́е е́сть мѣ́сто? А́ще у́бо введе́ши мя́ в предѣ́лы и́х, а́ще же ли и вѣ́си стези́ и́х? Вѣ́м у́бо, я́ко тогда́ рожде́н еси́, число́ же лѣ́т твои́хъ мно́го. Прише́л же ли еси́ в сокро́вища снѣ́ж-ная, и сокро́вища гра́дная ви́дѣл ли еси́? подлежа́т же ли тебѣ́ в ча́с враго́в, в де́нь бра́ней и ра́ти? Отвѣща́в же Иов, рече́ ко Го́споду: вѣ́м, я́ко вся́ мо́жеши, невозмо́жно же Тебѣ́ ничто́же. Кто́ есть тая́й от Тебе́ совѣ́т, щадя́й же словеса́ и от Тебе́ мни́тся утаи́ти? Кто́ же возвѣсти́т ми́, и́хже не вѣ́дѣх, ве́лiя и ди́вная, и́хже не зна́х? Послу́шай же мене́, Го́споди, да и а́з возглаго́лю: вопрошу́ же Тя́, Ты́ же мя́ научи́: слу́хом у́бо у́ха слы́шах Тя́ пе́рвѣе, ны́нѣ же о́ко мое́ ви́дѣ Тя́.

Проро́чества Иса́иина чте́ние (Ис. 50, 4-11).

   Госпо́дь дае́т мнѣ́ язы́к науче́нiя, е́же разумѣ́ти, егда́ подоба́ет рещи́ сло́во: положи́ мя у́тро у́тро, приложи́ ми у́хо, е́же слы́шати, и наказа́нiе Госпо́дне отверза́ет у́шы мои́: а́з же не проти́влюся, ни противоглаго́лю. Плещы́ мои́ вда́х на ра́ны и лани́тѣ мои́ на зауше́нiя, лица́ же моего́ не отврати́х от студа́ заплева́нiй, и Госпо́дь, Госпо́дь помо́щник ми́ бы́сть: сего́ ра́ди не усрами́хся, но положи́х лице́ свое́ а́ки тве́рдый ка́мень и разумѣ́х, я́ко не постыжду́ся. За-не́ приближа́ется оправда́вый мя́. Кто́ пря́йся со мно́ю? Да сопротивоста́нет мнѣ́ ку́пно. И кто́ судя́йся со мно́ю? Да прибли́жится ко мнѣ́. Се́, Госпо́дь Госпо́дь помо́жет ми́: кто́ озло́бит мя́? Се́, вси́ вы́ я́ко ри́за обетша́ете, и я́ко мо́-лiе изъя́ст вы́. Кто́ в ва́с боя́йся Го́спода? Да послу́шает гла́са о́трока его́. Ходя́щiи во тмѣ́, и нѣ́сть и́м свѣ́та, надѣ́йтеся на и́мя Госпо́дне и утверди́теся о Бо́зѣ. Се́, вси́ вы́ о́гнь раждиза́ете укрѣпля́ете пла́мень: ходи́те свѣ́том огня́ ва́шего и пла́менем, его́же разжего́сте. Мене́ ра́ди бы́ша сiя́ ва́м, в печа́ли у́спнете.

Трисвято́е:

Святы́й Бо́же, Святы́й Кре́пкий, Святы́й Бессме́ртный, поми́луй нас. (Три́жды)

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Святы́й Бессме́ртный, поми́луй нас.

Святы́и Бо́же, Святы́й Кре́пкий, Святы́й Бессме́ртный, поми́луй нас.

Проки́мен, глас шестьíй: Кня́зи лю́дсти́и собра́шася вку́пе,/ на Го́спода и на Христа́ Его́.

Кня́зи лю́дсти́и собра́шася вку́пе,/ на Го́спода и на Христа́ Его́.

Вску́ю шaтáшаcя язьíцы, и лю́дие поучи́шася тще́тным?

Кня́зи лю́дсти́и собра́шася вку́пе,/ на Го́спода и на Христа́ Его́.

Чте́ние Апо́стола:

К Кори́нфяном посла́ния свята́го апо́стола Па́вла чте́ние

(1 Kop.11, 23-32, зач. 149).

   Бра́тие, аз прiя́х от Го́спода, е́же и преда́х ва́м, я́ко Госпо́дь Иису́с в но́щь, в ню́же пре́дан быва́ше, прiе́мь хлѣ́б, и благодари́в преломи́, и рече́: прiими́те, яди́те, сiе́ е́сть Тѣ́ло Мое́, е́же за вы́ ломи́мое: сiе́ твори́те в Мое́ воспомина́-нiе. Та́кожде и ча́шу по ве́чери, глаго́ля: сiя́ ча́ша Но́вый Завѣ́т е́сть в Мое́й Кро́ви: сiе́ твори́те, ели́жды а́ще пiе́те, в Мое́ воспомина́нiе. Ели́жды бо а́ще я́сте хлѣ́б се́й и ча́шу сiю́ пiе́те, сме́рть Госпо́дню возвѣща́ете, до́ндеже  у́бо прiи́дет. Тѣ́мже и́же а́ще я́ст хлѣ́б се́й или́ пiе́т ча́шу Госпо́дню недосто́йнѣ, пови́нен бу́дет Тѣ́лу и Кро́ви Госпо́дни. Да искуша́ет же человѣ́к себе́, и та́ко от хлѣ́ба да я́ст и от ча́ши да пiе́т. Яды́й бо и пiя́й недосто́йнѣ, су́д себѣ́ я́ст и пiе́т, не разсужда́я Тѣ́ла Госпо́дня. Сего́ ра́ди в ва́с мно́зи не́мощни и неду́ж-ливи, и спя́т [усыпа́ют] дово́лни. А́ще бо бы́хом себе́ разсужда́ли, не бы́хом осужде́ни бы́ли. Суди́ми же, от Го́спода наказу́емся, да не с мíром осу́димся.

Глас 6: Аллилу́иа, аллилу́иа, аллилу́иа.

Аллилу́иа, аллилу́иа, аллилу́иа.

Блаже́н разумева́яй на ни́ща и убо́га, в день лют изба́вит его́ Госпо́дь.

Аллилу́иа, аллилу́иа, аллилу́иа.

Врази́ мои́ péшa мне зла́я: когда́ у́мрет и поги́бнет и́мя его́?

Аллилу́иа, аллилу́иа, аллилу́иа.

Чте́ние Ева́нгелия:

От Матфе́я свята́го Ева́нгелия чте́ние.

(Мф.26,1-27, 2; Ин.IЗ, 3-17; Лк. 22, 43-45).

   Сла́ва Тебе́, Го́споди, сла́ва Тебе́.

   Рече́ Госпо́дь Свои́м ученико́м: вѣ́сте, я́ко по двою́ дню́ па́сха бу́дет, и Сы́н Человѣ́ческiй пре́дан бу́дет на пропя́тiе. Тогда́ собра́шася архiере́е и кни́жни-цы и ста́рцы людсті́и во дво́р архiере́ов, глаго́лемаго Каiа́фы, и совѣща́ша, да Иису́са ле́стiю и́мут и убiю́т. Глаго́лаху же: но не в пра́здник, да не молва́ будет в лю́дех. Иисусу же бьíвшу в Вифа́нии в дому́ Си́мона прокаже́ннаrо, приступи́ к нему́ жена́, сткля́ницу ми́ра иму́щи многоцѣ́ннаго, и возлива́ше на главу́ его́ возлежа́ща. Ви́дѣвше же ученицы́ его́ негодова́ша, глаго́люще: чесо́ ра́ди ги́бель сiя́ [бы́сть]? можа́ше бо сiе́ ми́ро продано́ бы́ти на мно́зѣ и да́ти-ся ни́щым. Разумѣ́в же Иису́с рече́ и́м: что́ тружда́ете жену́? дѣ́ло бо добро́ содѣ́ла о Мнѣ́: всегда́ бо ни́щыя и́мате с собо́ю, Мене́ же не всегда́ и́мате: возлiя́вши бо сiя́ ми́ро сiе́ на Тѣ́ло мое́, на погребе́нiе Мя́ сотвори́: ами́нь глаго́лю ва́м: идѣ́же а́ще проповѣ́дано бу́дет ева́нгелiе сiе́ во все́м мíрѣ, рече́тся и е́же сотвори́ сiя́, в па́мять ея́. Тогда́ ше́д еди́н от обоюна́десяте, глаго́лемый Иу́да Искарiо́тскiй, ко архiере́ом, рече́: что́ ми хо́щете да́ти, и а́з ва́м преда́м его́? Они́ же поста́виша ему́ три́десять сре́бреник: и отто́лѣ иска́ше удо́бна вре́мене, да его́ преда́ст. В пе́рвый же де́нь опрѣсно́чный приступи́ша ученицы́ ко Иису́су, глаго́люще ему́: гдѣ́ хо́щеши угото́ваем ти́ я́сти па́сху? О́н же ре-че́: иди́те во гра́д ко о́нсицѣ, и рцы́те ему́: учи́тель глаго́лет: вре́мя мое́ бли́з е́сть: у тебе́ сотворю́ па́сху со ученики́ мои́ми. И сотвори́ша ученицы́, я́коже повелѣ́ и́мъ Иису́с, и угото́ваша па́сху. Ве́черу же бы́вшу, возлежа́ше со обѣ-мана́десяте ученико́ма. Вѣ́дый Иису́с, я́ко вся́ даде́ ему́ Оте́ц в ру́цѣ, и я́ко от Бо́га изы́де и к Бо́гу гряде́т: воста́в с ве́чери, и положи́ ри́зы, и прие́м лентио́н, npeпoя́cacя. Пото́м же вли́я во́ду во умыва́льницу, и нача́т умыва́ти но́ги ученико́м, и отира́ти ле́нтием, и́мже бе препоя́сан. Прии́де же к Си́мону Петру́, и глаго́ла Ему́ той: Го́споди, Ты ли мои умьíеши но́зе? Отвеща́ Иису́с, и рече́ ему́: е́же Аз творю́, ты не ве́си ньíне, разуме́еши же по сих. Глаго́ла ему́ Си́-мон Пе́тр: Го́споди, не но́зѣ мои́ то́кмо, но и ру́цѣ и главу́. Глаго́ла ему́ Иису́с: измове́нный не тре́бует, то́кмо но́зѣ умы́ти, е́сть бо ве́сь чи́ст: и вы́ чи́сти есте́, но не вси́. Вѣ́дяше бо предаю́щаго его́: се́го ра́ди рече́, я́ко не вси́ чи́сти есте́.

Егда́ же умы́ но́ги и́х, прiя́т ри́зы своя́, возле́г па́ки, рече́ и́м: вѣ́сте ли, что́ сотвори́х ва́м? Вы́ глаша́ете Мя́ Учи́теля и Го́спода: и до́брѣ глаго́лете, е́смь бо.

А́ще у́бо Аз умы́х ва́ши но́зѣ, Госпо́дь и Учи́тель, и вы́ до́лжни есте́ дру́г дру́гу умыва́ти но́зѣ: о́браз бо да́х ва́м, да, я́коже Аз сотвори́х ва́м, и вы́ твори́те.

Ами́нь, ами́нь глаго́лю ва́м: нѣ́сть ра́б бо́лiй го́спода своего́, ни посла́нник бо́лiй посла́вшаго его́. А́ще сiя́ вѣ́сте, блаже́ни есте́, а́ще творите́ я́. И идущим

им рече́: аминь глаго́лю вам, яко един от вас предаст Мя. И скорбя́ще зело́, нача́ша глаго́лати Ему един ки́йждо их: еда́ аз есмь, Господи? Он же отвеща́в рече́: омочи́вый со Мно́ю в соли́ло ру́ку, той Мя предаст. Сын же Человеческий и́дет, яко же есть пи́сано о Нем: го́ре же человеку тому, и́мже Сын Человеческий преда́стся: добро́ бы бьíло ему, а́ще не бы роди́лся человек той. Отвеща́в же Иуда предая́й Erо, рече́: еда́ аз есмь, Равви́? глаго́ла ему: ты рече́. Яду́щим же им, прие́м Иисус хлеб, и благослови́в преломи́, и дая́ше ученико́м, и рече́: приими́те, яди́те, сие́ есть Тело Мое. И прие́м чашу, хвалу́ воз-да́в, даде́ им, глаго́ля: пи́йте от нея́ вси. Cия́ бо есть Кровь Моя Новаго Завета,

я́жe за мно́гия излива́ема, во оставление грехов. Глаго́лю же вам, яко не и́мам пи́ти от ньiне от сего плода ло́знаго, до дне того, егда́ и пию́ с вами но́во во Царствии Отца Моего. И воспе́вше, изыдо́ша в го́ру Елео́нску. Тогда глаго́ла им Иисус: вси вы соблазните́ся о Мне в нощь сию. Пи́сано бо есть: поражу́ па́стыря, и разьíдутся о́вцы стада. По воскресении же моем, варя́ю вы в Галиле́и. Отвеща́в же Петр рече́ Ему: а́ще и вси соблазня́тся о Тебе, аз никогда́же соблажню́ся.Рече́ ему Иисус: аминь глаrолю тебе, яко в сию нощь, пре́жде даже але́ктор не возгласи́т, трикра́ты отве́ржешися Мене. Глагола Ему Петр: аще ми есть и умре́ти с Тобою, не отве́ргуся Тебе. Та́кожде и вси ученицьí ре́ша. Тогда прии́де с ними Иисус в весь иарица́емую Гефсима́ния,

и глагола ученико́м: седи́те ту, до́ндеже шед помолю́ся та́мо. И пое́м Петра и оба сьiна Зеведе́ова, нача́т скорбе́ти и тужи́ти. Тогда глаrола им Иисус: приско́рбна есть душа Моя до смерти: пожди́те зде, и бди́те со Мно́ю. И преше́д

ма́ло, nаде́ на лице́ Свое́м моля́ся, и глаголя: Отче Мой, аще возмо́жно есть, да мимои́дет от Мене чаша сия: оба́че не якоже Аз хощу́, но якоже Ты. Яви́ся же ему́ а́нгел с небесе́, укрѣпля́я его́.И бы́в в по́двизѣ, прилѣ́жнѣе моля́шеся: бы́сть же по́т его́ я́ко ка́пли кро́ве ка́плющыя на зе́млю.И воста́в от моли́твы прии́де ко ученико́м, обрѣ́те и́х спя́щих от печа́ли  и глагола Петро́ви: та́ко ли не возмого́сте единага часа́ побде́ти со Мною? Бди́те и моли́теся, да не вни́-дете в напа́сть: дух бо бодр, плоть же немощна́. Паки втори́цею шед помоли́ся, глаголя: Отче Мой, аще не может сия чаша мимоити́ от Мене, аще не пию́ ея, бу́ди воля Твоя. И прише́д обре́те их па́ки спя́щя: бе́ста бо им очи

отяrоте́не. И оставль их, шед паки помоли́ся трети́цею, то́жде слово рек. Тогда прии́де ко ученико́м Своим и глагола им: спи́те про́чее, н почива́йте: се прибли́жися час, и Сын Человеческий предае́тся в руки грешников. Воста́ни-те, и́дем: се прибли́жися предая́й Мя. И еще Ему глаго́лющу, се Иуда един от обоюна́десяте прии́де, и с ним народ мног, со оружием н дреко́льми, от архиере́й и старец людских. Предая́й же Его, даде́ им зна́мение, глаголя: Егоже

аще лобжу́, Той есть: ими́те Его. И а́бие присту́пль ко Иисусови, рече: ра́дуй-ся, Равви́, и облобыза́ Еrо. Иисус же рече́ ему: дру́же, твори́ на не́же еси пришел. Тогда присту́пльше возложи́ша ру́це на Иисуса, и я́ша Его. И се един от су́щих со Иисусом, просте́р ру́ку, извлече́ нож свой: и уда́ри раба́ архиере́ова, и уре́за ему ухо. Тогда глагола ему Иисус: возврати́ нож твой в место его: вси бо прие́мшии нож, ноже́м погибнут. Или мни́тся ти, яко не могу ньiне умоли́-ти Отца Моего, и предста́вит Ми вящше или́ двана́десяте легео́на Ангел? Ка́ко же убо сбу́дутся Писа́ния, яко та́ко подоба́ет бьíти? В той час рече́ Иисус народом: яко на разбойника ли изыдо́сте со оружием и дреко́льми, яти Мя? по вся дни при вас седе́х уча́ в церкви, и не ясте Мене́. Се же все бысть, да сбудутся Писания пророческая. Тогда ученицьí вси оста́вльше Его, бежаша. Во́ини же е́мше Иисуса ведо́ша к Каиа́фе архиере́ови, иде́же кни́жницы и

старцы собра́шася. Петр же идя́ше по Нем издале́ча, до двора́ архиере́ова: и вшед внутрь, седя́ше со слуга́ми, ви́дети кончи́ну. Архиере́е же и старцы, и сонм весь, иска́ху лжесвиде́тельства на Иисуса, яко да убию́т Его. И не обре- та́ху, и многим лжесвиде́телем присту́пльшим, не обрето́ша. По́слежде же приступи́ша два лжесвиде́теля, ре́ста: Сей рече́, могу разори́ти церковь Божию, и треми́ де́ньми созда́ти ю. И воста́в архиере́й, рече́ Ему: ничесо́же ли отвещаваеши, что сии на Тя свиде́тельствуют? Иисус же молча́ше. И отвеща́в архиерей, рече Ему: заклина́ю Тя Богом Живьiм, да рече́ши нам, аще Ты еси Христос Сын Божий? глагола ему Иисус: ты рече́. Оба́че глаго́лю вам: отсе́ле у́зрите Сьiна Человеческаrо седя́ща одесну́ю силы, и грядуща на о́блацех не-бесных. Тогда архиерей растерза́ ризы своя глаголя: яко хулу глагола, что еще тре́буем свидетелей? Се ньiне сльíшасте хулу Erо. Что ся вам мнит? Они же отвеща́вше ре́ша: пови́нен есть смерти. Тогда заплева́ша лице́ Erо и па́кости Ему де́яху, о́вии же за лани́ту уда́риша, rлаrолюще: прорцьí нам, Христе, кто есть ударе́й Тя? Петр же вне седя́ше во дворе, и приступи́ к нему един рабьi-ня глаголющи: и ты бе со Иисусом Галиле́йским. Он же отве́ржеся пред всеми, глаголя: не вем, что глаголеши. Изше́дшу же eму ко врато́м, узре́ его другая, и глагола им ту: и сей бе со Иисусом Назоре́ом. И паки отве́ржеся с клятвою, яко не знаю Человека. По ма́ле же приступи́вше стоя́щии, ре́ша Петро́-ви: вои́стину и ты от них ес, Ибо бесе́да твоя яве тя твори́т. Тогда нача́т роти́-тися и кля́тися, яко не знаю Человека. И а́бие пе́тел возгласи́. И помяну́ Петр глагол Иисусов, рече́нный ему: яко прежде даже пе́тел не возгласи́т, трикра́-ты отве́ржешися Мене. И изше́д вон пла́кася горько. У́тру же бьiвшу, совет

сотвори́ша вси архиере́е и старцы людстии на Иисуса, яко уби́ти Erо. И связа́вше Его ведо́ша, и преда́ша Его Понти́йскому Пила́ту иге́мону.

   Сла́ва Тебе́, Го́споди, сла́ва Тебе́.

   Господи, помилуй. (12 раз)

   Слава Отцу и Сыну и Святому Духу. И ныне и присно и во веки веков. Аминь.

   Ненавидящих и обидящих нас пpости, Господи Человеколюбче. Благотво-pящим благосотвоpи. Бpатиям и сpодником нашим даpyй яже ко спасению пpошения и жизнь вечнyю. В немощех сyщия (имена) посети и исцеление да-pyй. Яже в моpи yпpави. Пyтеше́ствyющим (имена) спyтеше́ствyй. Слyжа́щим и милyющим нас гpехов оставление даpyй. Запове́довавших нам недостойным молитися о них (имена) помилyй по велицей Твоей милости. Помяни, Господи, бpатий наших плененных и избави я от всякого обстояния. Помяни, Господи, плодоносящих и добpоде́лающих во святых Твоих це́pквах, и даждь им яже ко спасению пpоше́ния и жизнь вечнyю. Помяни, Господи, и нас, сми-pенных и гpешных и недостойных pаб Твоих, и пpосвети наш yм светом pазy-ма Твоего, и настави нас на стезю заповедей Твоих, молитвами Пpечистыя Владычицы нашея Богоpодицы и Пpиснодевы Маpии и всех Твоих святых: яко благословен еси во веки веков.  Аминь.

(После этой молитвы или вместо нее можно также молиться о здравии и о упокоении ближних по своему помяннику, называя их имена:)

(О здравии:)

   Спаси, Господи, и помилуй ..., и даруй им мирная Твоя и премирная благая.

(О упокоении:)

   Помяни, Господи, души усопших рабов твоих ..., прости их вся согрешения вольная и невольная, даруя им Царствие и причастие вечных Твоих благих и Твоея бесконечныя и блаженныя жизни наслаждение.

   Помяни нас, Господи, егда прии́деши во Царствии Твоем. (поклон)

   Помяни нас, Владыко, егда прии́деши во Царствии Твоем. (поклон)

   Помяни нас, Святый, егда прии́деши во Царствии Твоем.  (поклон)

  Лик небесный поет Тя и глаголет: Свят, Свят, Свят Господь Саваоф, испо́лнь небо и земля славы Твоея́.

   Приступите к Нему и просвети́теся, и ли́ца ваша не постыдятся.

   Лик небесный поет Тя и глаголет: Свят, Свят, Свят Господь Саваоф, испо́лнь небо и земля славы Твоея́.

   Слава Отцу и Сыну и Святому Духу.

   Лик святых Ангел и Архангел со всеми небесными силами поет Тя и глаголет: Свят, Свят, Свят Господь Саваоф, испо́лнь небо и земля славы Твоея́.

   И ныне и присно и во веки веков. Аминь.

СИМВОЛ ВЕРЫ:

   Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́д-наго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

   Ослаби, остави, прости Боже, прегрешения наша, вольная, и невольная, яже в слове и в деле, яже в ведении и не в ведении, яже во дни и в нощи, яже во уме и помышлении, вся нам прости, яко Благ и Человеколюбец.

   О́тче наш, И́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

   Господи, Иисусе Христе, Сыне Божий, помилуй нас. Аминь.

 Тропа́рь Вели́кага Четвертка́, глас 8:

   Егда́ сла́внии ученицьí на умове́нии ве́чери просвеща́хуся, тогда Иу́да злочести́вый сребролю́бием неду́rовав омрача́шеся, и беззако́нным судия́м Тебе́ пра́веднаго Судию́ предае́т. Виждь, име́ний рачи́телю, сих ра́ди удавле́ние употреби́вша. Бежи́ несьíтыя души́, Учи́телю таковая дерзну́вшия: Иже о всех Блаrи́й, Го́сnоди, сла́ва Тебе́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь

Конда́к Вели́кага Четвертка́, глас 2:

Хлеб прие́м в ру́це преда́тель, сокрове́нно тьíя простира́ет, и прие́млет це́ну Созда́вшаго Свои́ма рука́ма челове́ка, и неиспра́влен пребьíсть Иуда раб и льстец.

Всесвятая Троице, Единосущная Державо, Нераздельное Царство, всех благих Вина, благоволи́ же и о мне грешнем, утверди́, вразуми́ сердце мое, и всю мою отыми́ скверну, просвети́ мою мысль, да вы́ну славлю, пою, покланяюся и глаголю: Един Свят, Един Господь, Иисус Христос, во славу Бога Отца. Аминь.

Вместо прича́стна:

Ве́чери Твоея Тайныя днесь, Сыне Божий, причастника мя приими; не бо враго́м Твоим тайну пове́м, ни лобза́ния Ти дам, яко Иуда, но яко разбойник исповедаю Тя: помяни мя, Господи, во Царствии Твоем. Аминь.

Аллилу́ия. Аллилу́ия. Аллилу́ия.

   Верую, Господи, и исповедую, яко Ты еси воистинну Христос, Сын Бога Живаго, прише́дый в мир гре́шныя спасти, от них же первый есмь аз. Еще верую, яко Сие́ есть Cамое Пречистое Тело Твое, и Сия есть Cамая Честна́я Кровь Твоя. Молюся у́бо Тебе: помилуй мя, и прости ми прегрешения моя, вольная и невольная, яже словом, яже делом, яже ве́дением и неве́дением; и сподоби мя неосужде́нно причаститися Пречистых Твоих Таинств, во оставление грехов и в жизнь вечную. Аминь.

   Ве́чери Твоея Тайныя днесь, Сыне Божий, причастника мя приими; не бо враго́м Твоим тайну пове́м, ни лобза́ния Ти дам, яко Иуда, но яко разбойник исповедаю Тя: помяни мя, Господи, во Царствии Твоем. Аминь.

   Да не в суд или́ во осужде́ние бу́дет мне причаще́ние Святы́х Твои́х Та́ин, Го́споди, но во исцеле́ние души́ и те́ла.

ПРИЧАСТИЕ ЗАПАСНЫМИ СВЯТЫМИ ДАРАМИ

   Причащается раб Божий (имя) Честна́го и Свята́го Тела и Крове Господа и Бога и Спаса нашего Иисуса Христа, во оставление грехов своих и в Жизнь Вечную. Аминь.

(во время причащения)

Тело Христово приими́те, Источника безсмертнаго вкуси́те.

Аллилу́ия, аллилу́ия, аллилу́ия.

(после причащения)

Бу́ди Имя Господне благослове́нно отныне и до века (поклон) (3 раза)

Слава Отцу и Сыну и Святому Духу. И ныне и присно и во веки веков. Аминь.

Псалом 33. Благословлю́ Господа на всякое время, вы́ну хвала Его во устех моих. О Господе похва́лится душа моя, да услышат кротцыи и возвеселятся. Воз-вели́чите Господа со мною, и вознесе́м имя Его вкупе. Взыска́х Го́спода и ус-лы́ша мя, и от всех скорбе́й мои́х изба́ви мя. Приступи́те к Нему́ и просвети́-теся, и ли́ца ва́ша не постыдя́тся. Сей ни́щий воззва́, и Госпо́дь услы́ша и́, и от всех скорбе́й eго́ спасе́ и́. Ополчи́тся А́нгел Госпо́день о́крест боя́щихся Его, и избавит их. Вкуси́те и ви́дите, я́ко благ Госпо́дь; блаже́н муж, и́же упова́ет Нань. Бойтеся Господа, вси святии Его, яко несть лишения боящымся Его. Бога́тии обнища́ша и взалка́ша, взыска́ющии же Го́спода не лиша́тся вся́каго бла́га. Приидите, чада, послушайте менe, страху Госпо́дню научу вас. Кто eсть человек хотя́й живо́т, любя́й дни ви́дети бла́ги. Удержи́ язы́ к твой от зла, и устне́ твои́, е́же не глаго́лати льсти. Уклони́ся от зла и сотвори́ бла́го. Взыщи́ ми́ра, и пожени́ и́. Oчи Господни на праведныя, и уши eго в молитву их. Лице́ же Госпо́дне на творя́щыя зла́я, е́же потреби́ти от земли́ па́мять их. Воззва́-ша пра́веднии, и Госпо́дь услы́ша их, и от всех скорбе́й их изба́ви их. Близ Господь сокрушенных сердцем, и смирeнныя духом спасет. Многи скорби праведным, и от всех их избавит я Господь. Хранит Господь вся кости их, ни eдина от них сокрушится. Смерть гре́шников люта́, и ненави́дящии пра́вед-наго прегре́шат. Избавит Господь душы раб своих, и не прегрешат вси уповающии на него.

Вме́сто «Досто́йно есть»: Стра́нствия Влады́чня, и безсмертныя Трапе́зы на го́р-нем месте, высокими умы́, вернии прииди́те насладимся, возше́дша Слова, от Слова научи́вшеся, Его́же велича́ем.

Слава Отцу и Сыну и Святому Духу. И ныне и присно и во веки веков.

Господи помилуй. (Трижды) Благослови.

Молитвами святых отец наших, Господи Иисусе Христе, Сыне Божий, помилуй нас. Аминь.

(Далее читаются благодарственные молитвы по святом причащении.)

5. Великий Пяток

Святы́й Бо́же, Святы́й кре́пкий, Святы́й безсме́ртный, поми́луй нас. 

Проповедь в Великий Пяток 2024 г.. 

Кровь на руках. Как не одобрить грех, - 

Епископ АС РПАЦ Игнатий (Душеин)

Вечерня

Во Святы́й и Вели́кій пято́к.

Молитвами Святых Отец наших, Господи Иисусе Христе Боже наш, помилуй нас. Аминь.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 103:

Благослови́, душе́ моя́, Го́спода; Го́споди, Бо́же мой, возвели́чился еси́ зело́, во испове́дание и в велеле́поту обле́клся еси́. Одея́йся све́том, я́ко ри́зою, простира́яй не́бо, я́ко ко́жу. Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. Творя́й А́нгелы Своя́ ду́хи, и слуги́ Своя́ пла́мень о́гненный. Основа́яй зе́млю на тве́рди ея́, не преклони́тся в век ве́ка. Бе́здна, я́ко ри́за, одея́ние ея́, на гора́х ста́нут во́ды. От запреще́ния Твоего́ побе́гнут, от гла́са гро́ма Твоего́ убоя́тся. Восхо́дят го́ры, и нисхо́дят поля́ в ме́сто, е́же основа́л еси́ им. Преде́л положи́л еси́, eго́же не пре́йдут, ниже́ обратя́тся покры́ти зе́млю. Посыла́яй исто́чники в де́брех, посреде́ гор про́йдут во́ды. Напая́ют вся зве́ри се́льныя, ждут она́гри в жа́жду свою́. На ты́х пти́цы небе́сныя привита́ют, от среды́ ка́мения дадя́т глас. Напая́яй го́ры от превы́спренних Свои́х, от плода́ дел Твои́х насы́тится земля́. Прозяба́яй траву́ ското́м, и злак на слу́жбу челове́ком, извести́ хлеб от земли́. И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. Насы́тятся древа́ польска́я, ке́дри Лива́нстии, и́хже еси́ насади́л. Та́мо пти́цы вогнездя́тся, ероди́ево жили́ще предводи́тельствует и́ми. Го́ры высо́кия еле́нем, ка́мень прибе́жище за́яцем. Сотвори́л есть луну́ во времена́, со́лнце позна́ за́пад свой. Положи́л еси́ тму, и бысть нощь, в не́й-же про́йдут вси зве́рие дубра́внии; ски́мни рыка́ющии, восхи́тити и взыска́ти от Бо́га пи́щу себе́. Возсия́ со́лнце, и собра́шася, и в ло́жах свои́х ля́гут. Изы́-дет челове́к на де́ло свое́, и на де́лание свое́ до ве́чера. Я́ко возвели́чишася дела́ Твоя́, Го́споди, вся прему́дростию сотвори́л еси́: испо́лнися земля́ тва́ри Твоея́. Сие́ мо́ре вели́кое и простра́нное, та́мо га́ди, и́хже несть числа́, живо́т-ная ма́лая с вели́кими. Та́мо корабли́ препла́вают, змий сей, eго́же созда́л еси руга́тися eму́. Вся к Тебе́ ча́ют, да́ти пи́щу им во бла́го вре́мя. Да́вшу Тебе́ им, соберу́т; отве́рзшу Тебе́ ру́ку, вся́ческая испо́лнятся бла́гости. Отвра́щшу же Тебе́ лице́, возмяту́тся: отъи́меши дух их, и исче́знут, и в персть свою́ возвратя́тся. По́слеши Ду́ха Твоего́, и сози́ждутся, и обнови́ши лице́ земли́. Бу́ди сла́ва Госпо́дня во ве́ки, возвесели́тся Госпо́дь о де́лех Свои́х. Призира́яй на зе́млю, и творя́й ю́ трясти́ся; прикаса́яйся гора́м, и дымя́тся. Воспою́ Го́споде-ви в животе́ мое́м, пою́ Бо́гу моему́, до́ндеже есмь. Да услади́тся Ему́ бесе́да моя́, аз же возвеселю́ся о Го́споде. Да исче́знут гре́шницы от земли́, и беззако́нницы, я́коже не бы́ти им; благослови́, душе́ моя́, Го́спода.

Со́лнце позна́ за́пад свой; положи́л еси́ тму, и бысть нощь.

Я́ко возвели́чишася дела́ Твоя́, Го́споди, вся прему́дростию сотвори́л еси́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Три́жды)

Го́споди, воззва́х, глас 1:

Го́споди, воззва́х к Тебе́, услы́ши мя./ Услы́ши мя, Го́споди./ Го́споди, воззва́х к Тебе́, услы́ши мя:/ вонми́ гла́су моле́ния моего́,/ внегда́ воззва́ти ми к Тебе́.// Услы́ши мя, Го́споди.

Да испра́вится моли́тва моя́,/ я́ко кади́ло пред Тобо́ю,/ воздея́ние руку́ мое́ю/ – же́ртва вече́рняя.// Услы́ши мя, Го́споди.

Положи́, Го́споди, хране́ние усто́м мои́м и две́рь огражде́ния о устна́х мои́х.

Не уклони́ се́рдце мое́ в словеса́ лука́вствия, непщева́ти вины́ о гресе́х

С челове́ки де́лающими беззако́ние; и не сочту́ся со избра́нными их.

Нака́жет мя пра́ведник ми́лостию и обличи́т мя, eле́й же гре́шнаго да не нама́стит главы́ моея́;

Яко eще́ и моли́тва моя во благоволе́ниих их, пожéрты бы́ша при ка́мени судии́ их;

Услы́шатся глаго́лы мои, я́ко возмого́ша, я́ко то́лща земли́ просе́деся на земли́, расточи́шася ко́сти их при а́де.

Яко к тебе́, Го́споди, Го́споди, óчи мои́; на тя упова́х, не отими́ ду́шу мою́;

Сохрани́ мя от се́ти, ю́же соста́виша ми, и от собла́зн де́лающих беззако́ние.

Паду́т во мре́жу свою́ гре́шницы; eди́н éсмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помолихся.

Пролию́ пре́д ним моле́ние мое́, печа́ль мою́ пре́д ни́м возвещу́.

Внегда́ изчеза́ти от менé ду́ху моему́, и ты позна́л eси́ стeзи́ моя;

На пути́ сем, по нему́же хожда́х, скры́ша се́ть мне́.

Смотря́х одесну́ю и возгля́дах, и не бе зна́яй мене́; поги́бе бе́гство от менé, и не́сть взыска́яй ду́шу мою.

Поги́бе бе́гство от мене́, и несть взыска́яй ду́шу мою́.

Воззва́х к тебе, Го́споди, рех; ты eси́ упова́ние мое, ча́сть моя eси́ на земли́ живы́х.

Вонми́ моле́нию моему, я́ко смири́хся зело́;

Изба́ви мя от гоня́щих мя, я́ко укрепи́шася па́че менé.

Стихи́ры Трио́ди глас 1:

А́ще беззако́ния на́зриши, Го́споди, Го́споди, кто́ постои́т? я́ко у Тебе́ очище́ние есть. Вся тварь изменя́шеся страхом, зрящи Тя на Кресте ви́сима, Христе. Солнце омрача́шеся, и земли основания сотряса́хуся, вся сострада́ху Создавшему вся. Волею нас ради' nретерпевый, Господи, слава Тебе.

Имене ради Твоего потерпе́х Тя, Господи, потерпе́ душа моя в слово Твое, упова́ душа моя на Госnода. Вся тварь изменя́шеся страхом, зрящи Тя на Кресте ви́сима, Христе. Солнце омрача́шеся, и земли основания сотряса́хуся, вся сострада́ху Создавшему вся. Волею нас ради' nретерпевый, Господи, слава Тебе.

От стра́жи у́тренния до но́щи, от стра́жи у́тренния,// да уповае́т Изра́иль на Го́спода. Глас 2: Лю́дие злочести́вии и беззаконнии, вску́ю поучаются тщетным? Вску́ю Живота всех на смерть осудиша? Велие чудо, яко Создатель мира в руки беззаконных предается, и на древо возвышается Человеколюбец, да яже во аде ю́зники свободи́т, зовущия: Долготерпели́ве Господи, слава Тебе.

Я́ко у Го́спода ми́лость, и мно́гое у Него́ избавле́ние,// и Той изба́вит Изра́иля от всех беззако́ний eго́. Днесь зрящи Тя Непорочная Дева на Кресте, Слове, возвышаема, рыдающи ма́тернею утробою, уязвля́шеся сердцем горце, и стени́щи болезненно из глубины души, лице́ со власьi терза́ющи. темже и пе́рси бию́щи взыва́ше жалостно: увьi Мне, Божественное чудо! Увьi Мне, Свете мира! Что зашел еси от о́чию Моею А́гнче Божий? Темже воинства безплотных трепетом содержи́ми бя́ху, глаголюще: Непостижи́ме Господи, слава Тебе.

Хвали́те Го́спода вси язы́цы,// похвали́те Его́ вси лю́дие. На древе ви́дящи ви́сима, Христе, Тебе всех Зиждителя и Бога, безсе́менно ро́ждшая Тя вопия́ше горько: Сьiне Мой, где добро́та за́йде зра́ка Твоего? Не терплю зрети Тя неправедно распинаема: потщи́ся убо воста́ни, яко да вижу и Аз Твое из мертвых тридневное Воскресение.

Я́ко утверди́ся ми́лость Его́ на нас,// и и́стина Госпо́дня пребыва́ет во век. Глас 6: Днесь Владьiка твари предстоит Пилату, и Кресту предается Зиждитель всех: Яко Агнец приводи́мь Своею волею, гвоздьми́ пригвожда́ется, и в ре́бра пробода́ется, и губою напоя́ется манну одожди́вый, по лани́те зауша́ется Избавитель мира, и от Своих раб поруга́ется Создатель всех. О Владьiчняго человеколюбия! О распинающих моля́ше Своего Отца, глаголя: Отче, остави им грех сей: не ве́дят бо беззаконнии, что неправедное содевают.

Сла́ва Отцу́, и Сы́ну, и Свято́му Ду́ху. О ка́ко беззаконное со́нмище, Царя твари осуди́ на смерть, не устыде́вся благодеяния, яже воспоминая предутвержда́ше глаголя к ним: лю́дие Мои, что сотвори́х вам? Не чудес ли исполних Иудею? Не мертвецы ли воскреси́х единем словом? Не всякую ли болезнь исцели́х и недуг? Что Убо Ми воздаете? Вску́ю не помните Ми? За исцеления раны Мне наложи́вше, за живот умерщвля́юще, ве́шающе на древе яко злодея Благодетеля, яко беззаконна Законода́вца, яко осужде́нна всех Царя. Долготерпели́ве Господи, слава Тебе.

И ны́не, и при́сно, и во ве́ки веко́в Ами́нь. Страшное и преславное таинство днесь де́йствуемо зрится: Неосяза́емый удержава́ется; вяжется, Разреша́яй Адама от клятвы; Испыту́яй сердца и утробы, неправедно испыту́етсв; в темнице затворяется, Иже бездну затворивый; Пилату предстоит, Емуже трепетом предстоят небесныл силы; заушается рукою создания Создатель; ·на древо осуждается, Судя́й живьiм и мертвым; во гробе заключается, Разоритель ада. Ижe вся терпя́й милосердно, и всех сnасьiй от клятвы/Незлобиве Господи, слава Тебе.

Све́те Тихи́й:

Све́те Ти́хий святы́я сла́вы Безсме́ртнаго Отца́ Небе́снаго, Свята́го, Блаже́ннаго, Иису́се Христе́! Прише́дше на за́пад со́лнца, ви́девше свет вече́рний, пое́м Отца́, Сы́на и Свята́го Ду́ха, Бо́га. Досто́ин еси́ во вся времена́ пет бы́ти гла́сы преподо́бными, Сы́не Бо́жий, живо́т дая́й; те́мже мир Тя сла́вит.

Проки́мен Трио́ди , глас 4:

Прокимен. глас четве́ртый: Раздели́ша ризы Моя себе, и о оде́жди Моей мета́ша жребий.

Раздели́ша ризы Моя себе, и о оде́жди Моей мета́ша жребий.

Боже, Боже Мой, вонми́ Ми, веку́ю оставил Мя еси?

Раздели́ша ризы Моя себе, и о оде́жди Моей меташа жребий.

Исхо́да чте́ние (Исх. 33, 11-23).

И глаго́ла Госпо́дь к Моисе́ю лице́м к лицу́, я́коже а́ще бы кто́ возглаго́лал к своему́ дру́гу, и отпуща́шеся в по́лк: слуга́ же Иису́с, сы́н Нави́н, ю́ноша не исхожда́ше из ски́нiи.И рече́ Моисе́й ко Го́споду: се́, ты́ мнѣ́ глаго́леши: изведи́ лю́ди сiя́: ты́ же не яви́л ми́ еси́, кого́ по́слеши со мно́ю: ты́ же мнѣ́ ре́кл еси́: вѣ́м тя́ па́че всѣ́х и благода́ть и́маши у мене́: а́ще у́бо обрѣто́х благода́ть пред Тобо́ю, яви́ ми тебе́ сама́го, да разу́мно ви́жду тя́, я́ко да обрѣ́т бу́ду благода́ть пред Тобо́ю, и да позна́ю, я́ко лю́дiе Твои́ язы́к вели́к се́й. И глаго́ла [ему́ Госпо́дь]: Аз са́м предъиду́ пред тобо́ю и упоко́ю тя́. И рече́ к нему́ Моисе́й: а́ще са́м Ты́ не и́деши с на́ми, да не изведе́ши мя́ отсю́ду: и ка́ко вѣ́домо бу́-дет вои́стинну, я́ко обрѣто́х благода́ть у тебе́ а́з же и лю́дiе Твои́, то́чiю иду́щу ти́ с на́ми? и просла́влен бу́ду а́з же и лю́дiе Твои́ па́че всѣ́х язы́к, ели́цы су́ть на земли́. Рече́ же Госпо́дь к Моисе́ю: и сiе́ тебѣ́ сло́во, е́же ре́кл еси́, сотворю́: обрѣ́л бо еси́ благода́ть предо Мно́ю, и вѣ́м тя́ па́че всѣ́х. И глаго́ла Моисе́й: покажи́ ми сла́ву Твою́. И рече́ [Госпо́дь к Моисе́ю]: Аз предъиду́ пред тобо́ю сла́вою Мое́ю и воззову́ о и́мени Мое́м, Госпо́дь предъ тобо́ю: и поми́лую, его́же а́ще ми́лую, и уще́дрю, его́же а́ще ще́дрю. И рече́: не возмо́-жеши ви́дѣти лица́ Моего́: не бо́ у́зрит человѣ́к лице́ Мое́, и жи́в бу́дет. И рече́ Госпо́дь: се́, мѣ́сто у мене́, и ста́неши на ка́мени: егда́ же пре́йдет сла́ва Моя́, и положу́ тя в разсѣ́линѣ ка́мене, и покры́ю руко́ю Мое́ю над тобо́ю, до́ндеже мимоиду́: и отиму́ ру́ку мою́, и тогда́ у́зриши за́дняя моя́: лице́ же Мое́ не яви́тся тебѣ́.

Проки́мен, глас четве́ртый: Суди́, Го́споди, оби́дящия мя, побори́ борю́щия мя.

Суди́, Го́споди, оби́дящия мя, побори́ борю́щия мя.

Приими́ ору́жие и щит, и воста́ни в по́мощь мою́.

Суди́, Го́споди, оби́дящия мя, побори́ борю́щия мя.

И́ова чтение (Иов. 42, 12-20).

Госпо́дь же благослови́ послѣ́дняя И́овля, не́же пре́жняя: бя́ху же ско́ти его́, ове́ц четырена́десять ты́сящ, велблю́дов ше́сть ты́сящ, супру́г воло́в ты́сяща, осли́ц ста́дных ты́сяща. Роди́шажеся ему́ сы́нове се́дмь и дще́ри три́: и нарече́ пе́рвую у́бо де́нь, втору́ю же кассі́ю, тре́тiю же Амалѳе́ев ро́г: и не обрѣ-то́шася подо́бны в лѣ́потѣ дще́рем и́овлевым в поднебе́снѣй: даде́ же и́м оте́ц наслѣ́дiе в бра́тiи и́х. Поживе́ же И́ов по я́звѣ лѣ́т сто́ се́дмьдесят, всѣ́х же лѣ́т поживе́ двѣ́сти четы́редесять о́смь. И ви́дѣ И́ов сы́ны своя́ и сы́ны сыно́в свои́х, да́же до четве́ртаго ро́да. И сконча́ся И́ов ста́р и испо́лнь дні́й. Пи́сано же е́сть па́ки воста́ти ему́, с ни́миже Госпо́дь возста́вит и́. Та́ко толку́ется от­ Си́рскiя кни́ги: в земли́ у́бо живы́й авситиді́йстѣй, на предѣ́лѣх Идуме́и и Араві́и: пре́жде же бя́ше и́мя ему́ Иова́в: c взе́м же жену́ Ара́вляныню, роди́ сы́на, ему́же и́мя Енно́н: бѣ́ же то́й отца́ у́бо Заре́ѳа, Иса́вовых сыно́в сы́н, ма́тере же Восо́рры, я́коже бы́ти ему́ пя́тому от Авраа́ма. И сі́и ца́рiе ца́рст-вовавшiи во Едо́мѣ, е́юже и то́й облада́ше страно́ю: пе́рвый Вала́к сы́н Вео́ров, и и́мя гра́ду его́ Деннава́: по Вала́цѣ же Иова́в, нарица́емый И́ов: по се́м Ассо́м бы́вшiй во́ждь от Ѳеманитиді́йскiя страны́: по се́м Ада́д, сы́н Вара́дов, и́же изсѣче́ Мадiа́ма на по́ли Моа́вли, и и́мя гра́ду его́ геѳе́м. Прише́дшiи же к нему́ дру́зiе, Елифа́з [сы́н Софа́нь] от сыно́в Иса́вовых, ца́рь Ѳемані́йскiй, Валда́д [сы́н Амно́на Хова́рскаго] Савхе́йскiй власти́тель, Софа́р Мине́йскiй ца́рь.

Проро́чества Иса́иина чте́ние (Ис. 52, 13-15; 53, 1-12; 54, 1).

Та́ко глаго́лет Госпо́дь: cе́, уразумѣ́ет о́трок мо́й и вознесе́тся и просла́вится зѣло́. Я́коже ужа́снутся о тебѣ́ мно́зи, та́ко обезсла́вится от человѣ́к ви́д тво́й, и сла́ва твоя́ от сыно́в человѣ́ческих. Та́ко удивя́тся язы́цы мно́зи о не́м, и заградя́т ца́рiе уста́ своя́: я́ко, и́мже не возвѣсти́ся о не́м, у́зрят, и и́же не слы́-шаша, уразумѣ́ют. Го́споди, кто́ вѣ́рова слу́ху на́шему, и мы́шца Госпо́дня кому́ откры́ся? Возвѣсти́хом, я́ко отроча́ пред ни́м я́ко ко́рень в земли́ жа́жду-щей, нѣ́сть ви́да ему́, ниже́ сла́вы: и ви́дѣхом его́, и не имя́ше ви́да, ни добро́ты: но ви́д его́ безче́стен, ума́лен па́че всѣ́х сыно́в человѣ́ческих: человѣ́к в я́звѣ сы́й и вѣ́дый терпѣ́ти болѣ́знь, я́ко отврати́ся лице́ его́, безче́стно бы́сть, и не вмѣни́ся. Се́й грѣхи́ на́шя но́сит и о на́с болѣ́знует, и мы́ вмѣни́хом его́ бы́ти в трудѣ́ и в я́звѣ от Бо́га и во озлобле́нiи. То́й же я́звен бы́сть за грѣхи́ на́шя и му́чен бы́сть за беззако́нiя на́ша, наказа́нiе ми́ра на́шего на не́м, я́звою его́ мы́ исцѣлѣ́хом. Вси́ я́ко о́вцы заблуди́хом: человѣ́к от пути́ своего́ заблуди́, и Госпо́дь предаде́ его́ грѣ́х ра́ди на́ших. И то́й, зане́ озло́блен бы́сть, не отверза́ет у́ст свои́х: я́ко овча́ на заколе́нiе веде́ся, и я́ко а́гнец пред стригу́щим его́ безгла́сен, та́ко не отверза́ет у́ст свои́х. Во смире́нiи его́ су́д его́ взя́тся: ро́д же его́ кто́ исповѣ́сть? я́ко взе́млется от земли́ живо́т его́, ра́ди беззако́нiй люді́й мои́х веде́ся на сме́рть. И да́м лука́выя вмѣ́сто погребе́нiя его́ и бога́тыя вмѣ́сто сме́рти его́: я́ко беззако́нiя не сотвори́, ниже́ обрѣ́теся ле́сть во устѣ́х его́. И Госпо́дь хо́щет очи́стити его́ от я́звы: а́ще да́стся о грѣсѣ́, душа́ ва́ша у́зрит сѣ́мя долгоживо́тное. И хо́щет Госпо́дь руко́ю свое́ю отъя́ти болѣ́знь от души́ его́, яви́ти ему́ свѣ́т и созда́ти ра́зумом, оправда́ти пра́вед-наго бла́го служа́ща мно́гим, и грѣхи́ и́х то́й понесе́т. Сего́ ра́ди то́й наслѣ́дит мно́гих и крѣ́пких раздѣли́т коры́сти, зане́ предана́ бы́сть на сме́рть душа́ его́, и со беззако́нными вмѣни́ся, и то́й грѣхи́ мно́гих вознесе́ и за беззако́нiя и́х пре́дан бы́сть. Возвесели́ся, непло́ды, неражда́ющая, возгласи́ и возопі́й, нечревоболѣ́вшая, я́ко мно́га ча́да пусты́я па́че, не́жели иму́щiя му́жа.

Прокимен, глас шестьíй: Положи́ша мя в рове преиспо́днем, в те́мных и се́ни сме́ртней.

Положи́ша мя в рове преиспо́днем, в те́мных и се́ни сме́ртней.

Господи, Боже сnасения моего, во дни воззвах и в нощи пред Тобою.

Положи́ша мя в рове преиспо́днем, в те́мных и се́ни сме́ртней.

К Кори́нфяном посла́ния свята́го апо́стола Па́вла чте́ние.

(1 Kop.1, 18-2,5 зач. 125).

Сло́во бо кре́стное погиба́ющым у́бо юро́дство е́сть, а спаса́емым на́м си́ла Бо́жiя е́сть. Пи́сано бо е́сть: погублю́ прему́дрость прему́дрых, и ра́зум разу́мных отве́ргу. Гдѣ́ прему́др? гдѣ́ кни́жник? гдѣ́ совопро́сник вѣ́ка сего́? Не обуи́ ли Бо́г прему́дрость мíра сего́? Поне́же бо в прему́дрости Бо́жiей не разумѣ́ мíр прему́дростiю Бо́га, благоизво́лил Бо́г бу́йством про́повѣди спасти́ вѣ́рующих. Поне́же и Иуде́е зна́менiя про́сят, и е́ллини прему́дрости и́щут: мы́ же проповѣ́дуем Христа́ ра́спята, Иуде́ем у́бо собла́зн, е́ллином же безу́мiе, самѣ́м же зва́нным Иуде́ем же и е́ллином Христа́, Бо́жiю си́лу и Бо́жiю прему́дрость: зане́ бу́ее Бо́жiе прему́дрѣе человѣ́к е́сть, и немощно́е Бо́жiе крѣпча́е человѣ́к е́сть. Ви́дите бо зва́нiе ва́ше, бра́тiе, я́ко не мно́зи прему́дри по пло́ти, не мно́зи си́льни, не мно́зи благоро́дни: но бу́яя мíра избра́ Бо́гъ, да прему́дрыя посрами́т, и не́мощная мíра избра́ Бо́гъ, да посрами́т крѣ́пкая: и худоро́дная мíра и уничиже́нная избра́ Бо́гъ, и не су́щая, да су́щая упраздни́т, я́ко да не похва́лится вся́ка пло́ть пред Бо́гом. Из него́же вы́ есте́ о Христѣ́ Иису́сѣ, и́же бы́сть на́м прему́дрость от Бо́га, пра́вда же и освяще́нiе и избавле́нiе, да, я́коже пи́шется: хваля́йся, о Го́сподѣ да хва́лится. И Аз прише́д к ва́м, бра́тiе, прiидо́х не по превосхо́дному словеси́ или́ прему́дрости возвѣща́я ва́м свидѣ́телство Бо́жiе: не суди́х бо вѣ́дѣти что́ в ва́с, то́чiю Иису́са Христа́, и сего́ ра́спята: и Аз в не́мощи и стра́сѣ и тре́петѣ мно́зѣ бы́х в ва́с. И сло́во мое́ и про́повѣдь моя́ не в препрѣ́телных человѣ́ческiя прему́дрости словесѣ́х, но в явле́нiи ду́ха и си́лы, да вѣ́ра ва́ша не в му́дрости человѣ́чес-тѣй, но в си́лѣ Бо́жiей бу́дет.

От Матфе́я свята́го Ева́нгелия чте́ние.

(Мф.27,1-38; Лк. 23, 39-43; Мф.27,39-54; Ин.19, 31-37; Мф.27,55-61).

Сла́ва Тебе́, Го́споди, сла́ва Тебе́.

У́тру же бы́вшу, совѣ́т сотвори́ша вси́ архiере́е и ста́рцы людсті́и на Иису́са, я́ко уби́ти его́: И отвѣща́вше вси́ лю́дiе рѣ́ша: кро́вь его́ на на́с и на ча́дѣх на́ших. Тогда́ отпусти́ и́м Вара́вву: Иису́са же би́в предаде́ [и́м], да его́ про́пнут. Тогда́ во́ини иге́моновы, прiе́мше Иису́са на суди́ще, собра́ша на́нь все́ мно́жество во́ин: и совле́кше его́, одѣ́яша его́ хлами́дою червле́ною: и спле́тше вѣне́ц от те́рнiя, возложи́ша на главу́ его́, и тро́сть в десни́цу его́: и покло́ншеся на колѣ́ну пред ни́м руга́хуся ему́, глаго́люще: ра́дуйся, Царю́ Иуде́йскiй. И плю́нувше на́нь, прiя́ша тро́сть и бiя́ху по главѣ́ его́. И егда́ поруга́шася ему́, совлеко́ша с него́ багряни́цу и облеко́ша его́ в ри́зы его́: и ведо́ша его́ на пропя́тiе. Исходя́ще же обрѣто́ша человѣ́ка кирине́йска, и́менем Си́мо-на: и сему́ задѣ́ша понести́ кре́ст его́. И прише́дше на мѣ́сто нарица́емое Голго́ѳа, е́же е́сть глаго́лемо кра́нiево мѣ́сто, да́ша ему́ пи́ти о́цет с же́лчiю смѣ́-шен: и вку́шь, не хотя́ше пи́ти. Распе́ншiи же его́ раздѣли́ша ри́зы его́, ве́ргше жре́бiя: и сѣдя́ще стрежа́ху его́ ту́: и возложи́ша верху́ главы́ его́ вину́ его́ на-пи́сану: се́й е́сть Иису́с, Ца́рь Иуде́йскiй. Тогда́ распя́ша с ни́м два́ разбо́йни-ка: еди́наго о десну́ю, и еди́наго о шу́юю. Еди́н же от обѣ́шеною злодѣ́ю ху́ля-ше его́, глаго́ля: а́ще ты́ еси́ Христо́с, спаси́ себе́ и на́ю. Отвѣща́в же другі́й преща́ше ему́, глаго́ля: ни ли́ ты́ бои́шися Бо́га, я́ко в то́мже осужде́н еси́? и мы́ у́бо в пра́вду: досто́йная бо по дѣло́м на́ю воспрiе́млева: се́й же ни еди́на-го зла́ сотвори́. И глаго́лаше Иису́сови: помяни́ мя, Го́споди, егда́ прiи́деши во ца́рствiи си́. И рече́ ему́ Иису́с: ами́нь глаго́лю тебѣ́, дне́сь со мно́ю бу́деши в раи́. Мимоходя́щiи же ху́ляху его́, покива́юще глава́ми свои́ми и глаго́люще: разоря́яй це́рковь и треми́ де́нми созида́яй, спаси́ся са́м: а́ще Сы́н еси́ Бо́жiй, сни́ди со кре́ста́. Та́кожде же и архiере́е руга́ющеся с кни́жники и ста́рцы [и фарисе́и], глаго́лаху: ины́я спасе́, себе́ ли не мо́жет спасти́? а́ще Ца́рь Изра́и-лев е́сть, да сни́дет ны́нѣ со кре́ста́, и вѣ́руем в него́: упова́ на Бо́га: да изба́-вит ны́нѣ его́, а́ще хо́щет ему́. Рече́ бо, я́ко Бо́жiй е́смь Сы́н. То́жде же и разбо́йника распя́тая с Ни́м поноша́ста ему́. От шеста́го же часа́ тма́ бы́сть по все́й земли́ до часа́ девя́таго: о девя́тѣм же часѣ́ возопи́ Иису́с гла́сом ве́лiим, глаго́ля: или́, или́, Лима́ Савахѳани́? е́же е́сть, Бо́же мо́й, Бо́же мо́й, вску́ю мя́ еси́ оста́вил? Нѣ́цыи же от ту́ стоя́щих слы́шавше глаго́лаху, я́ко Илiю́ глаша́ет се́й. И а́бiе те́к еди́н от ни́х, и прiе́мь гу́бу, испо́лнив же о́цта, и вонзе́ на тро́сть, напая́ше его́. Про́чiи же глаго́лаху: оста́ви, да ви́дим, а́ще прiи́дет Илiа́ спасти́ его́. Иису́с же, па́ки возопи́в гла́сом ве́лiим, испусти́ Ду́х. И се́, завѣ́са церко́вная раздра́ся на дво́е с вы́шняго кра́я до ни́жняго: и земля́ потрясе́ся: и ка́менiе распаде́ся: и гро́би отверзо́шася: и мно́га тѣлеса́ усо́пших святы́х воста́ша: и изше́дше из гро́б, по воскресе́нiи его́, внидо́ша во святы́й гра́д и яви́шася мно́зѣм. Со́тник же и и́же с ни́м стрегу́щiи Иису́са, ви́дѣвше тру́с и бы́вшая, убоя́шася зѣло́, глаго́люще: вои́стинну Бо́жiй Сы́н бѣ́ се́й. Иуде́е же, поне́же пято́к бѣ́, да не оста́нут на крестѣ́ тѣлеса́ в суббо́ту, бѣ́ бо вели́к де́нь тоя́ суббо́ты, моли́ша Пила́та, да пребiю́т го́лени и́х и во́змут. Прiидо́ша же во́ини, и пе́рвому у́бо преби́ша го́лени, и друго́му распя́тому с ни́м: на Иису́са же прише́дше, я́ко ви́дѣша его́ уже́ уме́рша, не преби́ша ему́ го́ленiй, но еди́н от во́ин копiе́м ре́бра ему́ прободе́, и а́бiе изы́де кро́вь и вода́. И ви́дѣвый свидѣ́телствова, и и́стинно е́сть свидѣ́телство его́, и то́й вѣ́сть, я́ко и́стину глаго́лет, да вы́ вѣ́ру и́мете. Бы́ша бо сiя́, да сбу́дется писа́нiе: ко́сть не сокруши́т-ся от него́. И па́ки друго́е писа́нiе глаго́лет: воззря́т на́нь, его́же прободо́ша. Бя́ху же ту́ и жены́ мно́ги издале́ча зря́щя, я́же идо́ша по Иису́сѣ от Галиле́и, служа́щя ему́: в ни́хже бѣ́ Марі́а Магдали́на, и Марі́а Иа́кова и Иосі́и ма́ти, и ма́ти сы́ну зеведе́ову. По́здѣ же бы́вшу, прiи́де человѣ́к бога́т от Аримаѳе́а, и́менем Ио́сиф, и́же и са́м учи́ся у Иису́са: се́й присту́пль к Пила́ту, проси́ тѣлесе́ Иису́сова. Тогда́ Пила́т повелѣ́ да́ти тѣ́ло. И прiе́мь тѣ́ло Ио́сиф, обви́т е́ плащани́цею чи́стою и положи́ е́ в но́вѣм свое́м гро́бѣ, его́же изсѣче́ в ка́ме-ни: и возвали́в ка́мень ве́лiй над две́ри гро́ба, отъи́де. Бѣ́ же ту́ Марі́а Магдали́на и друга́я Марі́а, сѣдя́щѣ пря́мо гро́ба.

Сла́ва Тебе́, Го́споди, сла́ва Тебе́.
Сподо́би, Го́споди, в ве́чер сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки. Ами́нь.

Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет. Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Тропари, глас 2:

Благообра́зный Иосиф, с древа снем пречистое Тело Твое, плащани́цею чистою обви́в, и воня́ми во гробе но́ве покрьiв положи́.
Слава Отцу и Сьiну и Святому Духу, и ньiне и присно и во веки веков. Аминь.
Мироно́сицам жена́м при гробе представ Ангел вопийше: мира мертвым суть прилична, Христос же истле́ния явися чуждь.
Молитвами Святых Отец наших, Господи Иисусе Христе Боже наш, помилуй нас. Аминь.

Повечерие

ПОСЛЕДОВАНИЕ МАЛОГО ПОВЕЧЕРИЯ

Молитвами Святых Отец наших, Господи Иисусе Христе Боже наш, помилуй нас.
Аминь.
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псалом 50: 

Начальнику хора. Псалом Давида, когда приходил к нему пророк Нафан, после того, как Давид вошел к Вирсавии
Поми́луй мя́, Бо́же, по вели́цѣй ми́лости Тво­е́й, и по мно́же­ст­ву щедро́тъ Тво­и́хъ очи́сти беззако́нiе мое́.
Наипа́че омы́й мя́ от­ беззако́нiя мо­его́ и от­ грѣха́ мо­его́ очи́сти мя́:
я́ко беззако́нiе мое́ а́зъ зна́ю, и грѣ́хъ мо́й предо мно́ю е́сть вы́ну.
Тебѣ́ еди́ному согрѣши́хъ и лука́вое предъ Тобо́ю сотвори́хъ: я́ко да оправди́шися во словесѣ́хъ Тво­и́хъ и побѣди́ши, внегда́ суди́ти Ти́.
Се́ бо, въ беззако́нiихъ зача́тъ е́смь, и во грѣсѣ́хъ роди́ мя ма́ти моя́.
Се́ бо, и́стину воз­люби́лъ еси́, безвѣ́стная и та́йная прему́дрости Тво­ея́ яви́лъ ми́ еси́.
Окропи́ши мя́ иссо́помъ, и очи́щуся: омы́еши мя́, и па́че снѣ́га убѣлю́ся.
Слу́ху мо­ему́ да́си ра́дость и весе́лiе: воз­ра́дуют­ся ко́сти смире́н­ныя.
Отврати́ лице́ Твое́ от­ грѣ́хъ мо­и́хъ и вся́ беззако́нiя моя́ очи́сти.
Се́рдце чи́сто сози́жди во мнѣ́, Бо́же, и ду́хъ пра́въ обнови́ во утро́бѣ мо­е́й.
Не от­ве́ржи мене́ от­ лица́ Тво­его́ и Ду́ха Тво­его́ Свята́го не от­ими́ от­ мене́.
Возда́ждь ми́ ра́дость спасе́нiя Тво­его́ и Ду́хомъ Влады́чнимъ утверди́ мя.
Научу́ беззако́н­ныя путе́мъ Тво­и́мъ, и нечести́вiи къ Тебѣ́ обратя́т­ся.
Изба́ви мя́ от­ крове́й, Бо́же, Бо́же спасе́нiя мо­его́: воз­ра́дует­ся язы́къ мо́й пра́вдѣ Тво­е́й.
Го́споди, устнѣ́ мо­и́ от­ве́рзеши, и уста́ моя́ воз­вѣстя́тъ хвалу́ Твою́.
Я́ко а́ще бы восхотѣ́лъ еси́ же́ртвы, да́лъ бы́хъ у́бо: всесожже́нiя не благоволи́ши.
Же́ртва Бо́гу ду́хъ сокруше́нъ: се́рдце сокруше́н­но и смире́н­но Бо́гъ не уничижи́тъ.
Ублажи́, Го́споди, благоволе́нiемъ Тво­и́мъ Сiо́на, и да сози́ждут­ся стѣ́ны Иерусали́мскiя:
тогда́ благоволи́ши же́ртву пра́вды, воз­ноше́нiе и всесожега́емая: тогда́ воз­ложа́тъ на олта́рь Тво́й телцы́.

Псалом 69: 
Въ коне́цъ Дави́ду, въ воспомина́нiе, во е́же спасти́ мя Го́споду.
Бо́же, въ по́мощь мою́ вонми́: Го́споди, помощи́ ми потщи́ся.
Да постыдя́т­ся и посра́мят­ся и́щущiи ду́шу мою́, да воз­вратя́т­ся вспя́ть и постыдя́т­ся хотя́щiи ми́ зла́я:
да воз­вратя́т­ся а́бiе стыдя́щеся глаго́лющiи ми́: бла́гоже, бла́гоже.
Да воз­ра́дуют­ся и воз­веселя́т­ся о Тебѣ́ вси́ и́щущiи Тебе́, Бо́же: и да глаго́лютъ вы́ну, да воз­вели́чит­ся Госпо́дь, лю́бящiи спасе́нiе Твое́.
А́зъ же ни́щъ е́смь и убо́гъ, Бо́же, помози́ ми: помо́щникъ мо́й и изба́витель мо́й еси́ Ты́, Го́споди, не закосни́.

Псалом142:

Псало́мъ Дави́ду, егда́ гоня́ше его́ Авессало́мъ сы́нъ его́.
Го́споди, услы́ши моли́тву мою́, внуши́ моле́нiе мое́ во и́стинѣ Тво­е́й, услы́ши мя́ въ пра́вдѣ Тво­е́й:
и не вни́ди въ су́дъ съ рабо́мъ Тво­и́мъ, я́ко не оправди́т­ся предъ Тобо́ю вся́къ живы́й.
Я́ко погна́ вра́гъ ду́шу мою́: смири́лъ е́сть въ зе́млю живо́тъ мо́й: посади́лъ мя́ е́сть въ те́мныхъ, я́ко ме́ртвыя вѣ́ка.
И уны́ во мнѣ́ ду́хъ мо́й, во мнѣ́ смяте́ся се́рдце мое́.
Помяну́хъ дни́ дре́внiя, по­учи́хся во всѣ́хъ дѣ́лѣхъ Тво­и́хъ, въ творе́нiихъ руку́ Твое́ю по­уча́хся.
Воздѣ́хъ къ Тебѣ́ ру́цѣ мо­и́: душа́ моя́ я́ко земля́ безво́дная Тебѣ́.
Ско́ро услы́ши мя́, Го́споди, изчезе́ ду́хъ мо́й: не от­врати́ лица́ Тво­его́ от­ мене́, и уподо́блюся низходя́щымъ въ ро́въ.
Слы́шану сотвори́ мнѣ́ зау́тра ми́лость Твою́, я́ко на Тя́ упова́хъ: скажи́ мнѣ́, Го́споди, пу́ть, въ о́ньже пойду́, я́ко къ Тебѣ́ взя́хъ ду́шу мою́.
Изми́ мя от­ вра́гъ мо­и́хъ, Го́споди, къ Тебѣ́ при­­бѣго́хъ.
Научи́ мя твори́ти во́лю Твою́, я́ко Ты́ еси́ Бо́гъ мо́й: Ду́хъ Тво́й благі́й наста́витъ мя́ на зе́млю пра́ву.
И́мене Тво­его́ ра́ди, Го́споди, живи́ши мя́ пра́вдою Тво­е́ю: изведе́ши от­ печа́ли ду́шу мою́:
и ми́лостiю Тво­е́ю потреби́ши враги́ моя́ и погуби́ши вся́ стужа́ющыя души́ мо­е́й: я́ко а́зъ ра́бъ Тво́й е́смь.

Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя вели́кия ра́ди сла́вы Твоея́. Го́споди, Царю́ Небе́сный, Боже, О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас. Взе́мляй грехи́ ми́ра, приими́ моли́тву на́шу. Седя́й одесну́ю Отца́, поми́луй нас. Я́ко Ты еси́ Еди́н Свят; Ты еси́ Еди́н Госпо́дь, Иису́с Христо́с, во сла́ву Бо́га Отца́, ами́нь.

На всяк день благословлю́ Тя и восхвалю́ и́мя Твое́ во ве́ки, и в век ве́ка.

Го́споди, прибе́жище был еси́ нам в род и род. Аз рех: Го́споди, поми́-луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, нау-чи́ мя твори́ти во́лю Твою́, я́ко Ты еси́ Бог мой, я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Сподо́би Го́споди, в нощь сию без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки, ами́нь.

Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Го́споди, ми́лость Твоя́ во век, дел руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не и при́сно, и во ве́ки веко́в, ами́нь.

 СИМВОЛ ВЕРЫ:

   Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́д-наго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. 

Ами́нь.

И поем канон, творение Симеона Логофета о распятии Господни, и на плач Пресвятыя Богородицы.

Глас 6.

Песнь 1

Ирмос: Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше. (Дважды.)

Припев: Сла́ва Тебе́, Бо́же наш, сла́ва Тебе́.

Обе́шена я́ко ви́де на Кресте́ Сы́на и Го́спода Де́ва Чи́стая, терза́ющися вопия́ше го́рце, со други́ми жена́ми стеня́щи глаго́лаше.

Сла́ва Тебе́, Бо́же наш, сла́ва Тебе́.

Ви́жу Тя ны́не, возлю́бленное Мое́ Ча́до и люби́мое, на Кресте́ ви́сяща, и уязвля́юся го́рце се́рдцем, рече́ Чи́стая: но даждь сло́во, Благи́й, Рабе́ Твое́й.

Сла́ва Отцу́ и Сы́ну и Свято́му Ду́ху.

Во́лею, Сы́не Мой и Тво́рче, терпи́ши на дре́ве лю́тую сме́рть, Де́ва глаго́лаше предстоя́щи у Креста́ со возлю́бленным ученико́м.

И ны́не и при́сно и во ве́ки веко́в. Ами́нь.

Ны́не Моего́ ча́яния ра́дости и весе́лия, Сы́на Моего́ и Го́спода лише́на бых: увы́ Мне, боле́зную се́рдцем, Чи́стая пла́чущи глаго́лаше.

Ирмос: Я́ко по су́ху пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Песнь 3

Ирмос: Несть свят я́коже Ты, Го́споди Бо́же мой, вознесы́й рог ве́рных Твои́х Бли́же, и утверди́вый нас на ка́мени испове́дания Твоего́. (Дважды.)

Сла́ва Тебе́, Бо́же наш, сла́ва Тебе́.

Стра́ха ра́ди иуде́йска Петр скры́ся, и вси отбего́ша ве́рнии, оста́вльше Христа́, Де́ва рыда́ющи глаго́лаше.

Сла́ва Тебе́, Бо́же наш, сла́ва Тебе́.

О стра́шном Твое́м рождестве́ и стра́нном, Сы́не Мой, па́че всех ма́терей возвели́чена бых Аз: но увы́ Мне, ны́не Тя ви́дящи на дре́ве, распала́юся утро́бою.

Сла́ва Отцу́ и Сы́ну и Свято́му Ду́ху.

Хощу́ утро́бу Мою́ на руку́, и́маже я́ко Младе́нца держа́х, с дре́ва прия́ти, веща́ше Чи́стая: но никто́же, увы́ Мне, Сего́ даде́.

И ны́не и при́сно и во ве́ки веко́в. Ами́нь.

Се свет Мой сла́дкий, наде́жда и живо́т Мой благи́й, Бог Мой, угасе́ на Кресте́, распала́юся утро́бою, Де́ва стеня́щи глаго́лаше.

Ирмос: Несть свят я́коже Ты, Го́споди Бо́же мой, вознесы́й рог ве́рных Твои́х Бли́же, и утверди́вый нас на ка́мени испове́дания Твоего́.

Песнь 4

Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т взыва́ющи, от смы́сла чи́ста о Го́споде пра́зднующи. (Дважды.)

Сла́ва Тебе́, Бо́же наш, сла́ва Тебе́.

Со́лнце не заходя́й Бо́же Преве́чный, и Тво́рче всех тва́рей, Го́споди, ка́ко терпи́ши стра́сть на Кресте́, Чи́стая пла́чущи глаго́лаше.

Сла́ва Тебе́, Бо́же наш, сла́ва Тебе́.

Пла́чущи глаго́лаше Браконеиску́сная, ко благообра́зному: потщи́ся Ио́сифе к Пила́ту приступи́ти, и испроси́ сня́ти со дре́ва Учи́теля твоего́.

Сла́ва Отцу́ и Сы́ну и Свято́му Ду́ху.

Ви́дев Пречи́стую го́рце слезя́щу, Ио́сиф смути́ся, и пла́чася приступи́ к Пила́ту, даждь ми, вопия́ с пла́чем, те́ло Бо́га моего́.

И ны́не и при́сно и во ве́ки веко́в. Ами́нь.

Уя́звена Тя ви́дящи, и без сла́вы, на́га на дре́ве, Ча́до Мо́е, утро́бою распала́юся, рыда́ющи я́ко Ма́ти, Де́ва провещава́ше.

Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т взыва́ющи, от смы́сла чи́ста о Го́споде пра́зднующи.

Песнь 5

Ирмос: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, И́стиннаго Бо́га, от мра́ка грехо́внаго взыва́юща. (Дважды.)

Сла́ва Тебе́, Бо́же наш, сла́ва Тебе́.

Растерза́йся и рыда́я, и дивя́ся, вку́пе с Никоди́мом сня́т Ио́сиф, и уцелова́в пречи́стое те́ло, рыда́ше, и стеня́ше, и поя́ Его́ я́ко Бо́га.

Сла́ва Тебе́, Бо́же наш, сла́ва Тебе́.

Прии́мши Его́ с пла́чем Ма́ти Неискусому́жная, положа́ на коле́ну, моля́щи Его́ со слеза́ми, и облобыза́ющи, го́рце же рыда́ющи и восклица́ющи.

Сла́ва Отцу́ и Сы́ну и Свято́му Ду́ху.

Еди́ну наде́жду и живо́т, Влады́ко Сы́не Мой и Бо́же, во о́чию свет Раба́ Твоя́ име́х, ны́не же лише́на бых Тебе́, сла́дкое Мое́ Ча́до и люби́мое.

И ны́не и при́сно и во ве́ки веко́в. Ами́нь.

Боле́зни и ско́рби, и воздыха́ния обрето́ша Мя, увы́ Мне Ча́стая го́рце рыда́ющи глаго́лаше, ви́дящи Тя Ча́до Мое́ возлю́бленное, на́га и уедине́на, и воня́ми пома́зана мертвеца́.

Ирмос: Бо́жиим све́том Твои́м, Бли́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, Истиннаго Бо́га, от мрака грехо́внаго взывающа.

Песнь 6

Ирмос: Жите́йское мо́ре воздвиза́емое зря напа́стей бу́рею, к ти́хому приста́нищу Твоему́ прите́к вопию Ти: возведи́ от тли живо́т мой, Многоми́лостиве. (Два́жды.)

Слава Тебе́, Бо́же наш, слава Тебе́.

Ме́ртва Тя зрю Человеколюбие, оживи́вшаго ме́ртвыя, и содержа́ща вся, уязвля́юся лю́те утро́бою. Хоте́ла бых с Тобо́ю умре́ти, Пречи́стая глаго́лаше: не терплю бо без дыха́ния ме́ртва Тя ви́дети.

Слава Тебе́, Бо́же наш, слава Тебе́.

Дивлю́ся зря́щи Тя, Преблаги́й Бо́же и Преще́дрый Го́споди, без сли́вы и без дыха́ния, и безобра́зна, и пла́чуся держа́щи Тя, я́ко не наде́яхся увы́ Мне, ви́дети Тя Сы́не Мой и Бо́же.

Слава Отцу́ и Сы́ну и Свято́му Ду́ху.

Не изглаго́леши ли Рабе́ Твое́й сло́ва, Сло́ве Бо́жий? Не уще́дриши ли, Влады́ко, Тебе́ ро́ждшую? глаго́лаше Чи́стая, рыда́ющи и пла́чущи, облобызающи те́ло Го́спода Своего.

И ны́не и при́сно и во ве́ки веко́в. Ами́нь.

Помышля́ю Владыко, я́ко ктому́ сладкаго Твоего́ не услы́шу гла́са, ни добро́ты лица́ Твоего́ узрю́, я́коже пре́жде Раби́ Твоя́: и́бо заше́л еси́, Сы́не Мой, от о́чию Мое́ю.

Ирмос: Жите́йское мо́ре воздвизаемое зря напастей бу́рею, к ти́хому пристанищу Твоему́ прите́к вопию́ Ти: возведи́ от тли живо́т мой, Многоми́лостиве.

Кондак, глас 8:

Нас ра́ди Распя́таго, прииди́те вси воспои́м, Того́ бо ви́де Мари́я на дре́ве, и глаго́лаше: аще и распя́тие терпи́ши, Ты еси́ Сын и Бог Мой.

Икос. Своего́ Агнца Агница зря́щи, к заколе́нию влеко́ма, после́доваше Мари́я просте́ртыми власы́ со ине́ми жена́ми, сия́ вопию́щи: ка́мо и́деши, Ча́до, чесо́ ра́ди ско́рое тече́ние соверша́еши? Еда́ други́й брак па́ки есть в Ка́не, и та́мо ны́не тщи́шися, да от воды́ им вино́ сотвори́ши? Иду́ ли с Тобо́ю Ча́до, или́ па́че пожду́ Тебе́? Даждь Ми сло́во, Сло́ве, не молча́ мимоиди́ Мене́, чи́сту соблюды́й Мя: Ты бо еси́ Сын и Бог Мой.

Песнь 7

Ирмос: Росода́тельну у́бо пещь соде́ла Ангел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти, благослове́н еси́ Бо́же оте́ц на́ших. (Дважды.)

Сла́ва Тебе́, Бо́же наш, сла́ва Тебе́.

Где Сы́не Мой и Бо́же благове́щение дре́внее, е́же Ми Гаврии́л глаго́лаше? Царя́ Тя, Сы́на и Бо́га Вы́шняго нарица́ше: ны́не же ви́жу Тя, Све́те Мой сла́дкий, на́га и уя́звена мертвеца́.

Сла́ва Тебе́, Бо́же наш, сла́ва Тебе́.

Избавля́яй боле́зни, ны́не приими́ Мя с Тобо́ю, Сы́не Мой и Бо́же, да сни́ду, Влады́ко, во ад с Тобо́ю и Аз, не оста́ви Мене́ еди́ну, уже́ бо жи́ти не терплю́, не ви́дящи Тебе́ сла́дкаго Моего́ Све́та.

Сла́ва Отцу́ и Сы́ну и Свято́му Ду́ху.

С други́ми жена́ми мироно́сицами, рыда́ющи Непоро́чная го́рце, и носи́ма ви́дящи Христа́, глаго́лаше: увы́ Мне, что ви́жу! Ка́мо и́деши ны́не Сы́не Мой, а Мене́ еди́ну оставля́еши?

И ны́не и при́сно и во ве́ки веко́в. Ами́нь.

Изнемога́ющи и рыда́ющи Непоро́чная, мироно́сицам глаго́лаше: срыда́йте Ми и спла́читеся го́рце: Се бо Све́т Мой сла́дкий и Учи́тель ваш гро́бу предае́тся.

Ирмос: Росода́тельну у́бо пещь соде́ла Ангел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти, благослове́н еси́ Бо́же, оте́ц на́ших.

Песнь 8

Ирмос: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся бо твори́ши, Христе́, то́кмо е́же хоте́ти, Тя превозно́сим во вся ве́ки. (Дважды.)

Сла́ва Тебе́, Бо́же наш, сла́ва Тебе́.

Де́ву рыда́ющу Ио́сиф ви́дев, растерза́шеся весь, и вопийте го́рько: ка́ко Тя, о Бо́же мой, ны́не погребу́ раб Твой? Каки́ми плащани́цами обвию́ те́ло Твое́?

Сла́ва Тебе́, Бо́же наш, сла́ва Тебе́.

Па́че ума́ превзы́де стра́нное Твое́ виде́ние нося́щаго тварь всю Го́спода: сего́ ра́ди Ио́сиф я́ко ме́ртва Тя на руку́ свое́ю, и с Никоди́мом но́сит и погреба́ет.

Благослови́м Отца́ и Сы́на и Свята́го Ду́ха, Го́спода.

Стра́нную ви́жу и пресла́вную та́йну, Де́ва вопия́ше Сы́ну и Го́споду: ка́ко в худо́м гро́бе полага́ешися, мертвый повеле́нием возставля́яй во гробе́х?

И ны́не и при́сно и во ве́ки веко́в. Ами́нь.

Ни от гро́ба Твоего́ воста́ну, Ча́до Мое́, ни сле́зы точа́щи преста́ну Раба́ Твоя́, до́ндеже и Аз сни́ду во ад: не могу́ бо терпе́ти разлуче́ния Твоего́, Сы́не Мой.

Хва́лим, благослови́м, покланя́емся Го́сподеви, по́юще и превознося́ще во вся ве́ки.

Ирмос: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся бо твори́ши, Христе́, то́кмо е́же хоте́ти, Тя превозно́сим во вся ве́ки.

Песнь 9

Ирмос: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти: Тобо́ю же, Всечи́стая, яви́ся челове́ком Сло́во воплоще́нно, Его́же велича́юще, с небе́сными во́й, Тя ублажа́ем. (Дважды.)

Сла́ва Тебе, Бо́же наш, сла́ва Тебе́.

Ра́дость Мне николи́же отсе́ле прико́снется, рыда́ющи глаго́лаше Непоро́чная: Свет Мой и Ра́дость Моя́ во гроб за́йде. Но не оста́влю Его́ еди́наго, зде же умру́, и спогребу́ся Ему́.

Сла́ва Тебе́, Бо́же наш, сла́ва Тебе́.

Душе́вную Мою́ я́зву ны́не исцели́, Ча́до Мое́, Пречи́стая вопийте слезя́щи: воскресни́ и утоли́ Мою́ боле́знь и печа́ль, мо́жеши бо, Влады́ко, ели́ко хо́щеши и твори́ши, а́ще и погре́блся еси́ во́лею.

Сла́ва Отцу́ и Сы́ну и Свято́му Ду́ху.

О ка́ко утаи́лася Тебе́ есть бе́здна щедро́т? Ма́тери в та́йне изрече́ Госпо́дь: тва́рь бо Мою́ хотя́ спасти, изво́лих умре́ти. Но и воскре́сну, и Тебе́ возвели́чу, я́ко Бог небесе́ и земли́.

И ны́не и при́сно и во ве́ки веко́в. Ами́нь.

Воспою́ милосе́рдие Твое́, Человеколю́бче, и покланя́юся бога́тству ми́лости Твоей, Влады́ко: созда́ние бо Твое́ хотя́ спасти, смерть подъя́л еси́, рече́ Пречи́стая. Но воскресе́нием Твоим, Спа́се, поми́луй всех нас.

Ирмос: Бо́га челове́ком невозмо́жно ви́дети, на Него́же не сме́ют чи́ни а́нгельстии взира́ти: Тобо́ю же, Всечи́стая, яви́ся челове́ком Сло́во воплоще́нно, Его́же велича́юще, с небе́сными во́й, Тя ублажа́ем.

Кондак, глас 8: Нас ради Распятаrо, приидите вси воспоим, Того бо виде Мария на древе, и глаголаше: аще и расnятие терпи́ши, Ты ecи Сын и Бог Мой.

Икос: Своего Аrнца Агница зрящи, к заколению влеко́ма, nоследаваше Мария простертыми власы со ине́ми жена́ми, cия вопиющи: камо и́деши, Чадо, чесо́ ради скорое течение совершаеши? Еда другий брак паки есть в Кане, и тамо ньiне тщишися, да от водьi им вино сотвориши? Иду ли с Тобою Чадо, или́ паче пожду Тебе? Даждь Ми слово, Слове, не молча мимоиди Мене, чисту соблюдьiй Мя: Ты бо еси Сын и Бог Мой.

Трисвятое.

Святы́й Бо́же, Святы́й кре́пкий, Святы́й безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды) 

Слава, и ныне:

О́тче наш, И́же еси́ на небесе́х, да святи́тся и́мя Твое́, да прии́дет ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй, (40 раз),

Сла́ва, и ны́не:

Молитва ко Господу нашему Иисусу Христу, Антиоха монаха Пандекта:

И даждь нам, Владыко, на сон грядущим покой тела и души, и сохрани нас от мрачнаго сна греховнаго, и от всякаго темнаго и нощнаго сладострастия: укроти стремления страстей, угаси разжженныя стрелы лукаваго, яже на ны льстивно движимыя: плоти нашея востания утоли, и всякое земное и вещественное наше мудрование успи. И даруй нам, Боже, бодр ум, целомудр помысл, сердце трезвящееся, сон легок и всякаго сатанина мечтания изменен. Возстави же нас во время молитвы утверждены в заповедех Твоих, и память судеб Твоих в себе тверду имуща: всенощное славословие нам даруй, во еже пети и благословити и славити пречестное и великолепое имя Твое, Отца, и Сына, и Святаго Духа, ныне и присно, и во веки веков, аминь.

Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша.

Молитва иная святаго Иоанникиа.

Упование мое Отец, прибежище мое Сын, покров мой Дух Святый, Троице Святая, слава Тебе.

Моли́твами святы́х оте́ц на́ших, Го́споди Иису́се Христе́, Бо́же наш, поми́луй нас. Ами́нь.

 

6. Великая Суббота

Пасхальное послание владыки Григория (кликабельно, можно увеличить)

https://telegra.ph/Pashalnoe-poslanie-05-04-2

***

Пасхальное послание владыки Игнатия.

верным чадам истинно-православной церкви в земле Калужской, 2024 г.

Христос Воскресе!

«И свет во тьме светит, и тьма не объяла его» – читали мы сегодня в Евангелии от Иоанна. Это сказано про Свет Божий, Свет Христов, который просвещает всех, кто его принимает.

Мы встречаем день Пасхи Христовой, день света и радости, в период народных бедствий. Конечно, все времена человечества, сразу после известного поступка Адама, были смутными и темными, а когда родился Христос, они стали называться еще и последними. Но в истории все же бывают просветы, а бывает – «тьма египетская».

Развеет ли Христово Воскресение эту тьму? Развеет, но не эту, и не у всех. Воскресение Христа должно развеять совсем другую тьму. Христос пришел победить смерть, а не решить проблемы нашего земного благополучия.

Впрочем, и о нашем земном благополучии Он печется, просто иногда нам, для того, чтобы спасаться, бывает полезно земное благополучие, а иногда – и его отсутствие.

Когда впервые прозвучал крик «Христос воскрес!», в мире, видимым образом, ничего не изменилось. Римляне у власти, синедрион торжествует, а народ на праздник ест свои любимые «куличики». Тьма в мире была, тьма и осталась. Ничего не развеялось.

Мы говорим, что Христос победил смерть и ад. Но разве Он показал Свою победу кому-то, кроме учеников? «Господи! Почему Ты хочешь явить Себя нам, а не миру?» – спросил Его один из апостолов. - Иисус сказал ему в ответ: 

кто любит Меня, тот соблюдет слово Мое; и Отец Мой возлюбит его, и Мы придем к нему и обитель у него сотворим». 

То есть, Он является тому, кто Его любит. А для остальных – все как прежде, до времени.

То, что принес Христос – вообще не для этого мира. 

Более того, с тем, что Он принес, в этом мире спокойно не живут. Слишком несовместимы с нормальной жизнью эти подарки. И эта проблема несовместимости Евангельских даров с земной жизнью, очевидна. Суть ее в одной фразе: «никто не может служить двум господам». 

Никто не может – но почти все пытаются.

Наше произволение переменчиво. Твердо определяются в своем стремлении послужить Богу – единицы. Евангельский дар – это то, что принимается исключительно лично. Не страной, не народом, не партией и не толпой. Только – личностью. И получается, что настоящие христиане – это штучный продукт.

«Массовое производство» христиан наладить никогда не удавалось и не удастся любой, самой истинной Церкви в любой самой православной стране. Да и не массовое, а личное рождение христианина – дело Божественной Благодати, а не заслуга миссионеров.

Можно окунуть в воду всех иноверцев мира, а потом заставить их строем ходить в храмы на причастие, но христиан при этом не прибавится. Можно нарожать огромное число детей, всех их окрестить и водить в воскресную школу. Они вырастут, но станут ли они христианами?

Христиане размножаются не чревом, а почкованием: то есть – примером правильной жизни. Точнее теми Дарами Духа, которые эту правильную жизнь венчают. Если есть настоящий христианин, то от него обязательно отпочкуются другие. Вокруг появятся христиане: в первую очередь его близкие. Это неизбежно, и так было всегда.

А если христианин ненастоящий, то пусть бы он, в миссионерском угаре, обошел море и сушу, и обратил в свое не-христианство толпы – ничего хорошего не получится.

Как стать Христианами? Нужно служить Богу, а не маммоне. Нужно, чтобы ничто в нашей жизни не было бы для нас ценнее Бога и Его заповедей. Тьма вокруг нас будет всегда – увы, это данность падшего мира: «мир во зле лежит».

Но это нас перестанет беспокоить, когда Свет Воскресения Христа станет нашим Светом. А это наступит тогда, когда мы откопаем в мусорных наслоениях своего сердца то Царство Небесное, которое всегда внутри нас. 

И если Свет Христос воссияет в нас, то тьма не его погасит. Наоборот: тьма рассеется, «яко тает воск от лица огня». Тогда и вокруг нас станет светлее.

Христос воскресе!

+ Игнатий, Епископ Калужский и Обнинский. Калуга

Пасха Христова 2024 г.

Проповеди епископа Игнатия

 ***

Неопределенность,

- проповедь епископа Григория (Лурье) после литургии в Великую Субботу, 21 апреля / 4 мая 2024 года.

***

...и нас на земли сподоби

чистым сердцем Тебе славити.

Владыко Григорий:

На Пасху, как всегда, отдаем предпочтение пению.

Это начало крестного хода прошедшей ночью.

Крестный ход начинается внутри алтаря очень тихо и в темноте.

Потом поэтапно светлеет и громчает (далее запись обрывается, хотя крестный ход еще внутри церкви).

Затем выходит наружу, делает вокруг храма круг, и на улице, пред закрытыми дверьми церкви, начинает службу, затем входит, и... пошло-поехало.

Христос раждается, славьте!